ۇيىمداسقان قىلمىستىق توپپەن كۇرەس باسقارماسى الماتى قالالىق ءىىد قىزمەتكەرلەرى وتاندىق اقپارات اگەنتتىكتەرىنىڭ بىرىندە "16 جاستاعى پاۆلودار تۇرعىنى قۇلدىقتا" دەگەن اقپارات جاريالانعاننان كەيىن، اقپاراتتىڭ  راس، وتىرىگىن وتىرىگىن انىقتاۋ ءۇشىن تەكسەرۋ جۇمىستارىن جۇرگىزدى. بۇل جاعداي سوتقا دەيىنگى تەكسەرۋ رەەستىرىندە ق ر قك 126 بابى بويىنشا تىركەلدى، دەپ حابارلايدى Qamshy.kz اقپارات اگەنتتىگى الماتى قالالىق ءىىد باسپا ءسوز قىزمەتىنە سىلتەمە جاساپ.

ۇيىمداسقان قىلمىستىق توپقا قارسى كۇرەس باسقارماسى الماتى قالالىق ءىىد پاۆلودارلىق ارىپتەستەرىنە تەرگەۋ جۇمىستارىن جۇرگىزۋدى تاپسىردى. تەكسەرۋ جۇمىستارى ناتيجەسىندە بالادان تۇسىنىكتەمە الىندى.  ونىڭ ايتۋىنشا، ول ۇيدەن قاشىپ كەتىپ الماتىعا جۇمىس ىستەۋ ءۇشىن كەلگەن. ءبىر جارىم اي بويى جىگىت كۇنىنە 3-4 ساعات جۇمىس ىستەگەن. وسى ۋاقىت ارالىعىندا قوناق ۇيدە تۇرعان.

جىگىت  ەشكىم ونى كۇشتەپ ۇستاماعانىن ايتتى. فيزيكالىق جانە مورالدىق قىسىم كورمەگەن.

«اقپارات جالعان بولعاندىقتان، تەرگەۋ جۇمىستارى توقتاتىلادى. الايدا ق ر قك 274 بابىنىڭ 2 بولىگى بويىنشا شىندىققا جاناسپايتىن اقپارات تاراتىلعانى ءۇشىن سوتقا دەيىنگى تەكسەرۋ جۇمىستارى باستالادى. اتالمىش قىلمىس ءۇشىن بەس ايلىق ەسەپتىك كورسەتكىش كولەمىندە ايىپپۇل سالۋ، ءدال وسى سومماعا جۇمىسقا تارتۋ نەمەسە ءۇش جىلدان بەس جىلعا دەيىن باس بوستاندىعىنان ايىرۋ جازاسى قاراستىرىلعان» دەيدى الماتى قالالىق ءىىد وكىلى.