جول اقىسىن sms-حابارلاما جانە موبيلدىك قوسىمشا ارقىلى تولەۋ اياسىندا ەلىمىزدەگى «بيلاين» ۇيالى بايلانىس وپەراتورى جولاۋشىلار ءۇشىن ارنايى ناۋقان ەنگىزىپ، ونىڭ اياسىندا ادەتتەگى 90 تەڭگە كولەمىندەگى جول اقىسىنىڭ 89 تەڭگەسىن جولاۋشى ءۇشىن تولەۋگە دايىن. بۇل جونىندە بۇگىن قالالىق اكىمدىكتە وتكەن استانا قالاسىنىڭ قوعامدىق كەڭەسىنىڭ وتىرىسىندا «استانا LRT» ج ش س باسقارما ءتوراعاسى بەكمىرزا يگەنبەردييەۆ مالىمدەدى، دەپ حابارلايدى qazaly.kz.
بەكمىرزا يگەنبەردييەۆ استانادا جول اقىسىن موبيلدىك قوسىمشا نەمەسە sms-حابارلاما ارقىلى تولەۋگە بولاتىنىن مالىمدەگەن بولاتىن.
«بيلاين ۇيالى بايلانىس وپەراتورى جولاۋشىلارعا ارنالعان ناۋقان ۇسىنادى. بيلاين ءموبيلدى بايلانىستى قولداناتىن جولاۋشىلار جولاقىنى سمس ارقىلى تولەگەن جاعدايدا، 1 تەڭگە تولەسە، قالعان 89 تەڭگەنى بيلاين تولەيتىن بولادى. اكسيا قىركۇيەك ايىندا باستالىپ، ءبىر ايعا سوزىلادى. سودان كەيىن 2018 جىلدىڭ سوڭىنا دەيىن ءار دۇيسەنبى سايىن جۇرگىزىلەدى»، - دەدى يگەنبەردييەۆ.
سونىمەن قاتار، ج ش س باسشىسى ءمالىم ەتكەندەي، الداعى ۋاقىتتا كوبرەندينگ كارتالارى ىسكە قوسىلاتىن بولادى.
«بۇل جولاۋشىلارعا ەكى كارتا ورنىنا ءبىر كارتا قولدانۋ مۇمكىندىگىن بەرەدى. پايدالانۋشىعا مىندەتتى تۇردە كولىك كارتالارىن ساتىپ الۋ قاجەتتىلىگى بولمايدى. ولار وزدەرىنە قىزمەت كورسەتەتىن بانكتەردەن دۋال كارتالار الا الادى. پيلوتتىق جوبا اياسىندا ەۋرازيا بانكىمەن بىرلەسىپ، العاشقى 3-5 مىڭ كارتا ىسكە قوسىلادى»، - دەگەن ول الداعى ۋاقىتتا باسقا بانكتەردى دە ىسكە قوسۋ جوسپاردا بار ەكەنىن ايتتى.
قوعامدىق تىڭداۋ بارىسىندا ءمالىم بولعانداي، سارالانعان ءتاريفتىڭ ەنگىزىلۋىمەن استانالىق تاسىمالداۋشىلاردىڭ تابىسى ارتقان. جاڭا تاريف ەنگىزىلگەن العاشقى اپتالاردىڭ قورىتىندىلارى بويىنشا اۆتوپاركتەردىڭ تابىسىنىڭ 15% كولەڭكەلى تابىستان شىققان.
«الداعى ۋاقىتتا استانانىڭ قوعامدىق كولىك پايدالانۋشىلارىندا كولىك كارتالارىن ءموبيلدى قوسىمشا ارقىلى قاشىقتىقتان تولتىرۋ مۇمكىندىگى پايدا بولادى. Beeline مەن Kcell/Activ ۇيالى بايلانىس وپەراتورلارىنىڭ كليەنتتەرى ارنايى قىسقا نومىرگە كولىك كارتاسىنىڭ ءنومىرى مەن تولەم سوماسى بار SMS جولداپ، كولىك كارتاسىنىڭ تەڭگەرىمىنىڭ قاشىقتىقتان تولتىرا الادى»، - دەدى باسقارما ءتوراعاسى.
