پرەمەر-مينيستر باقىتجان ساعىنتايەۆ بۇگىن ۇكىمەت وتىرىسىندا ەڭبەك دەمالىسىنان ورالعان مينيسترلەردى بىردەن جۇمىسقا سالدى. يندۋسترياليزاسيانىڭ بارىسى جايلى ايتا كەلە، ءىستىڭ باياۋ ءجۇرىپ جاتقانىنا شەندىلەردى كىنالاپ ەسكەرتۋ جاسادى.

«مەملەكەت باسشىسى يندۋسترياليزاسيانىڭ جاڭا تەحنولوگيانى ەنگىزۋدەگى فلاگمان بولۋ كەرەكتىگىن ەسكەرتكەن. 2018 جىلى سيفرلىق فابريكالاردىڭ جەتى مودەلىن قۇرۋ جوباسىن جۇزەگە اسىرۋىمىز كەرەك. جەڭىس قاسىمبەك، داۋرەن ابايەۆ، اسقار جۇماعالييەۆ، سىزدەر مۇنى ءجىتى قاداعالاۋعا تيىسسىزدەر. ءقازىر جۇمىس باياۋ ءجۇرىپ جاتىر»، - دەدى

بۇعان قوسا، كاسىپورىنداردى مودەرنيزاسيالاۋ جۇمىستارىن جىلدامداۋ كەرەكتىگىن ەسكەردى.

«جارتى جىل ءوتتى، بۇگىنگى باياندامالاردان ءىستىڭ ناتيجەسى جايلى ەستىمەدىم. مەملەكەت باسشىسىنىڭ باستى تاپسىرماسى – جۇمىس ىستەپ تۇرعان كاسىپورىنداردى مودەرنيزاسيالاۋ. بۇل پروسەسس  جاڭا جوعارى تەحنولوگيالىق ءونىمدى ەنگىزۋگە سەپتىگىن تيگىزەدى. سوعان باسا نازار اۋدارىڭىزدار. اسقار مامين، ءوزىڭىز باقىلاڭىز»، - دەپ ورىنباسارىنا قورىتىندى ءسوزىن باعىتتادى مينيستر.