جاڭا تەليەۆيزيالىق ماۋسىمنىڭ باستالۋىنا بار جوعى 3-اق كۇن قالدى. قازىرگى ساتتە بىزدە قىزۋ دايىندىق جۇمىستارى جالعاسۋدا. ستۋديالاردا دەكوراسيالار بويىنشا مونتاجداۋ جۇمىستارى جۇرگىزىلىپ، جارىق قوندىرعىلارى ورناتىلىپ جاتىر. بۇگىن سوڭعى مونتاجدىق جۇمىستار اياقتالعان سوڭ، سەنبى-جەكسەنبى كۇندەرى جاڭا ستۋديالاردا باعدارلامالاردىڭ العاشقى تۇسىرىلىمدەرىن تەستىلەۋدەن وتكىزىپ، دۇيسەنبى كۇننەن باستاپ جاڭا ماۋسىمعا جول تارتامىز. بۇنىڭ ءبارى وتە كۇردەلى جانە اۋقىمدى جۇمىس بولدى. رەبرەندينگكە بايلانىستى، الدىندا دا ايتىپ ءوتتىم، كوپشىلىك قاۋىم ۇناتىپ قولداۋ كورسەتتى، سول ءۇشىن تاعى دا العىسىمدى بىلدىرەمىن. ايماقتىق تەلەارنالاردى بۇرىنعى تاريحي نەگىزى بار اتاۋلارمەن اتاعانىمىز دا كەن قولداۋ تاپتى. جاڭا اتاۋلاردىڭ تاڭبالانۋىنداعى كەيبىر سۇراقتارعا بايلانىستى ۋايىمداۋدىڭ ەش قاجەتى جوق، سەبەبى، لاتىن ءالىپبيىنىڭ بەكىتىلگەن نۇسقاسى بەلگىلى بولعان سوڭ، ءبارى دە سوعان سايكەس اۋىستىرىلاتىن بولادى. بۇل تەستىلىك نۇسقا رەتىندە سول اتاۋلاردىڭ اعىلشىن تىلىندە قولدانىلاتىن ۇلگىلەرى عانا. ەڭ باستىسى، جاڭا اتاۋلارعا ەلىمىزدىڭ سان عاسىرلىق تاريحىنان سىر شەرتكەن اتاۋلاردى ەنگىزگەنىمىز وتە ماڭىزدى قادام بولدى. سوندىقتان، ايماقتىق تەلەارنالاردىڭ جاڭا لوگوتيپتەرى – كوكشە، ەرتىس، اقجايىق، سارىارقا سياقتى اتاۋلارمەن وزگەرتىلەدى. باستىسى وسى. سوندىكتان، جىلى نيەت تانىتىپ جاتقاندارىڭىز ءۇشىن تاعى دا كوپ راحمەت! 
ءبىراق، بۇل ماۋسىمنىڭ جاڭالىعى ەفيردىڭ بەزەندىرىلۋى، گرافيكالىق جاڭارۋى نەمەسە رەبرەندينگ عانا ەمەس، ەڭ باستىسى، ەكرانعا شىعاتىن جاڭا باعدارلامالار مەن جوبالاردىڭ مازمۇنى مەن ساپاسىنا اسا ءمان بەرىلىپ وتىرعانىن اتاپ وتكىم كەلەدى. سول سەبەپتى، نەگىزگى جۇمىس وسى باعىتتا جۇرگىزىلىپ جاتىر. 
كورپوراسيا قۇرامىنا كىرەتىن قۇرىلىمداردىڭ رەبرەندينگى بىرتىندەپ جۇزەگە اساتىن بولادى. ۇلتتىق ارناداعى جاڭا ماۋسىم دۇيسەنبى كۇنى، 28 تامىزدا باستالسا، «Qazsport» ارناسىنىڭ ەفيرى قىركۇيەكتىڭ 1-نەن، ال، بالالارعا ارنالعان تۇڭعىش «Balapan» ارناسى 4 قىركۇيەكتە جاڭارادى. 14 ايماقتا ورنالاسقان تەلەارنالارداعى جاڭا ماۋسىم قىركۇيەك ايىنىڭ سوڭىندا ءبىر ساتتە كورەرمەنگە جول تارتادى. 
جالپى ايتقاندا، كورەرمەندەرىمىزدى قىزىقتى دا، تىڭ جوبالارمەن قۋانتاتىن بولامىز. ۇلتتىق ارنانىڭ جاڭا جوبالارى جايىندا تولىق اقپاراتتى ەرتەڭ حابارلايمىن. 
ەڭ باستى جاڭالىقتارىمىز الدا، سوندىقتان، بىزبەن بىرگە بولىڭىزدار!

ەرلان ءقاريننىڭ فەيسبۋك پاراقشاسىنان