«دجەكسونۆيلل قالاسىندا اتىس بولدى. كارتادا كورسەتىلگەن اۋدانعا جاقىنداماڭىزدار. ول جەر وتە ءقاۋىپتى. بۇل باق-قا دا قاتىستى» دەگەن حابارلاما جاريالاندى اقش پوليسياسىنىڭ Twitter پاراقشاسىندا.

پوليسيا اتىستىڭ سالدارىنان كوز جۇمعانداردىڭ كوپ ەكەنىن ايتادى. News4Jax تەلەارناسىنىڭ مالىمەتىنشە، ءتورت ادام قايتىس بولدى، 11 ادام جاراقاتتاندى. Reuters اگەنتتىگىنىڭ حابارلاۋىنشا، اتىس سپورت كيبەرتۋرنيرىنىڭ ترانسلياسياسى ءجۇرىپ جاتقاندا، قالاداعى مەيرامحانالاردىڭ بىرىندە بولعان.

Los Angeles Times-تىڭ مالىمەتىنە سايكەس، كيبەرتۋرنيرگە قاتىسۋشى Madden NFL ويىنىندا جەڭىلىس تاپقانى ءۇشىن ادامداردى اتا باستاعان.

رەسمي ەمەس دەرەكتەرگە سايكەس، قىلمىسكەردىڭ ەسىمى دەرەك دجونس. ول بۇعان دەيىن ءوزىنىڭ Twitter پاراقشاسىندا بىرەۋدى ولتىرگىسى كەلەتىنىن جازعان. ءقازىر ونىڭ پاراقشاسى بۇعاتتالعان.

اتىس بەينە كامەراعا ءتۇسىپ قالعان. ول YouTube جەلىسىندە جاريالاندى. كادردان ويىن پروسەسسىن كورۋگە بولادى. ءبىر ۋاقىتتا كوممەنتاتوردىڭ داۋىسىن وقتىڭ داۋىسى ءبولىپ جىبەردى. ودان كەيىن كۋاگەرلەر مەن جاراقاتتانعانداردىڭ شىڭعىرعان داۋىسى شىعادى.

پوليسيانىڭ مالىمەتىنە سايكەس، قىلمىسكەر ءوزىن دە اتىپ تاستاعان. پوليسەيلەر ونىڭ سىبايلاسى بار بولۋى مۇمكىن ەكەنىن ايتادى.