24 قىركۇيەكتەن 25-ىنە قاراعان ءتۇنى NUR.KZ پورتالىنىڭ ءتىلشىسى يرينا بەكەتوۆانى استانادا ءولتىرىپ كەتتى. بۇل تۋرالى بۇگىن NUR.KZ حابارلادى. 

پوليسيا وقيعانىڭ سەبەپتەرىن انىقتاپ جاتىر. يرينا – ءتورت بالانى ءوسىرىپ وتىرعان جالعىزباستى انا ەدى. ۇلكەنى مۇگەدەك، ودان كەيىنگىسى ەكىنشى سىنىپتا وقيدى، كەيىنگى ەكى بالاسى ءۇش جاستاعى ەگىزدەر. سونىمەن قاتار يرينانىڭ جاسى قارتايعان اتا-اناسى بار.

قۇربىلارى يرينانىڭ كوڭىلدى، باۋىرمال جان بولعانىن ايتادى. جاڭالىقتار پورتالىنا جۇمىسقا ورنالاسقانىن ماقتانىشپەن ايتىپ جۇرەدى ەكەن. Nur.kz پورتالىنا دەيىن «قازاقستان تەمىرجولشىسى» گازەتىندە جۇمىس ىستەدى.

«استانا پوليسياسى 37 جاستاعى جەرگىلىكتى تۇرعىندى 34 جاستاعى تۇرعىننىڭ ولتىرگەنىن انىقتادى. كۇدىكتىنى قولعا ءتۇسىرۋ ءۇشىن جۇمىستار جۇرگىزىلۋدە. ءتيىستى ەكسپەرتيزالار تاعايىندالدى. سوتقا دەيىنگى تەرگەۋ باستالدى»، - دەپ حابارلادى استانا ءىىد ۆەدومستۆوسى.

Nur.kz رەداكسياسى بولعان جايتقا سەنبەي وتىر.

«قايعىلى وقيعاعا بايلانىستى ارىپتەسىمىزدىڭ تۋعان-تۋىستارىنا كوڭىل ايتامىز. NUR.KZ سىزدەرمەن بىرگە قايعىرادى. ءوز تاراپىمىزدان يرينانىڭ وتباسىنا ماتەريالدىق كومەك كورسەتۋگە دايىنبىز»، - دەدى رەداكسيانىڭ ديرەكتورى قۋات باحريدينوۆ.

يرينامەن قوشتاسۋ ءراسىمى  27 قىركۇيەك كۇنى ساعات 10:00-دە «ارتەم» ساۋدا ورتالىعى اۋدانىنداعى مەشىتتە وتەدى.

Qamshy.kz اقپارات اگەنتتىگى مارقۇم يرينا بەكەتوۆانىڭ بالالارى مەن اتا-اناسىنا جانە تۋىستارىنا قايعىرىپ كوڭىل ايتادى.