الماتىدا پوليسەي ءوزىنىڭ ارىپتەسىنە ءارى تۋىسىنا وق اتتى. ناتيجەسىندە جاراقاتتانعان پوليسەي اۋرۋحانادا كوز جۇمعان. ق ر ىشكى ىستەر ءمينيسترى قالمۇحانبەت قاسىموۆ اتالمىش ىسكە قاتىستى پىكىر ءبىلدىردى.
«كۇدىكتى كەشكە كەزەكشىلىككە كەلىپ، قارۋ الادى. گاراجعا اۆتوكولىگىن الۋعا بارعاندا اپكەسىنىڭ كۇيەۋى كەلدى. ولاردىڭ ءۇش بالاسى بار، ءبىراق بار ماسەلە التى ايدان بەرى جەزدەسىنىڭ اپكەسىمەن بىرگە تۇرماۋىنجا ەدى. الگى قايتىس بولعان ادام كەزەكشىلىگىن تاپسىرۋعا كەلگەن، الايدا ەكەۋىنىڭ اراسىندا جانجال تۋىپ، قارۋ قولدانۋعا دەيىن بارعان»، - دەدى مينيستر.
اتالمىش ىسكە قاتىستى «ادام ءولتىرۋ» بابى بويىنشا قىلمىستىق ءىس قوزعالدى. سونىمەن قاتار قاۋىپسىزدىك دەپارتامەنتى دە قىزمەتتىك تەرگەۋ جۇرگىزۋدى باستادى.
ايتا كەتەيىك، تۋىسقان پوليسەيلەر اراسىندا جانجال تۋىپ، وق اتىلعان. ناتيجەسىندە ءبىر پوليسەي اۋرۋحانادا كوز جۇمدى.
قۇقىققورعاۋ ورگاندارى جانجالعا وتباسىلىق ماسەلەلەردىڭ سەبەپ بولعانىن ايتقان. وقيعا قالالىق پوليسيا قىزمەتى عيماراتىنىڭ اۋلاسىندا بولدى.
