اقمولا وبلىسىنداعى شورتاندى اۋىلىندا بالاباقشادا جۇمىس ىستەيتىن 23 جاستاعى كەلىنشەكتەن وكپە دەرتى انىقتالدى. ناۋقاس تاربيەشى ءقازىر اۋرۋحانادا جاتىر ەكەن. ودان تۋبەركۋلەزدىڭ اشىق ءتۇرى انىقتالسا دا، مەكتەپكە دەيىنگى مەكەمە كارانتينگە جابىلماعان. بۇل تۋرالى كتك ارناسى حابارلادى.
ءقازىر 23 جاستاعى قىز تۋبديسپانسەردە دارىگەرلەردىڭ باقىلاۋىندا جاتىر. بولعان جايتتان كەيىن سانيتارلىق دارىگەرلەر عيماراتتى زارارسىزداندىرىپ، بالالار مانتۋ سىناماسىن تاپسىرىپتى.
بالاباقشاعا بارىپ جۇرگەن بالالاردىڭ اتا-انالارى ايتقانداي، ولاردان تاربيەشىنىڭ ءقاۋىپتى دەرتى جايىندا جاسىرىپ كەلىپتى.
بالاباقشانىڭ مەديسينالىق قىزمەتكەرىنىڭ سوزىنە سۇيەنسەك، تاربيەشى ماۋسىم ايىندا قارالعاندا، ناۋقاسى انىقتالماعان.
تەلەارنا مالىمەتىنشە، بالالاردىڭ ءبىرى تۋبەركۋلەز جۇقتىرسا، اۋىل تۇرعىندارى سوتقا ارىز بەرەمىز دەپ وتىر.
