تاعى دا پاۆلودار وبلىسىنىڭ باس يدەولوگى مەيرام بەگەنتايەۆ مىرزانىڭ نازارىنا!

پاۆلودار وبلىسى اكىمى اپپاراتى «قوعامدىق كەلىسىم» كوممۋنالدىق مەملەكەتتىك مەكەمەسىندە قارتتار كۇنىنە وراي داستارحان جايىلىپ، مادەني شارا وتكىزىلدى (02.10. 2018). وكىنىشكە قاراي، شارانى جۇرگىزۋشى الداعى 29 قازان كۇنى كومسومول ۇيىمىنىڭ 100 جىلدىق مەرەيتويى اتالىپ وتىلەتىنىن اسقاق پافوسپەن ايتىپ، قارتتاردىڭ جاس كەزىندە كومسومول بولعانىن ەستەرىنە سالدى! ىلە انشىلەر توبىنا قوسىلىپ «كومسومولسى - دوبروۆولسى» ءانىن شىرقادى!
قازىرگى ءبىزدىڭ قازاقستاندىق قوعامدا لەنينيزم ءىلىمى، كومپارتيا يدەولوگياسى قولدانىلمايدى، كومسومول ۇيىمىنىڭ ورنىنا ق ر پرەزيدەنتى ن.ءا. نازاربايەۆتىڭ جارلىعىمەن جاسوسپىرىمدەردىڭ «جاس ۇلان» ۇيىمى جانە «نۇر وتان» پارتياسىنىڭ جاستار قاناتى قۇرىلعان. قىزىل يمپەريانىڭ مەملەكەتتىك رامىزدەرى مەن ءانۇرانىنىڭ ورنىنا ەگەمەن قازاقستاننىڭ رامىزدەرى مەن ءانۇرانى قابىلدانعان. دەمەك، ولاردى ەلەمەي مەملەكەتتىك مەكەمەدە كەڭەستىك ءداۋىردى، كوممۋنيستىك قوعامدى دارىپتەيتىن ءان سالىپ، كومپارتيا اتريبۋتتارىن جارنامالاۋ ساياسي قاتەلىك بولىپ تابىلادى.
بۇل ماسەلەنى الەۋمەتتىك جەلىلەر ارقىلى ءوزىڭىزدىڭ نازارىڭىزعا ۇسىنعانبىز، ب ا ق ارقىلى دا كوتەرگەنبىز. ايتسە دە، ەش ناتيجە جوق! وبلىستىق گ.ن. پوتانين اتىنداعى تاريحي-ولكەتانۋ مۋزەيىندەگى وقيعانىڭ ءىزى سۋىماي جاتىپ، وبلىس اكىمى اپپاراتى «قوعامدىق كەلىسىم» كوممۋنالدىق مەملەكەتتىك مەكەمەسىندە ءدال سوعان ۇقساس وقيعا ورىن الدى! 
ءسىزدىڭ قاراماعىڭىزداعى كەڭەستىك قوعامدى قيمايتىن قىزمەتكەرلەر مەملەكەتتىك مەكەمەلەردە ءوز كوزقاراسىنا سايكەس الگىندەي ءىس-شارالاردى تالعاۋسىز وتكىزە بەرەتىن بولسا، ەلباسىمىزدىڭ «رۋحاني جاڭعىرۋ» باعدارلاماسىن قالاي جۇزەگە اسىرامىز؟ ارامىزدا كەشە كۇيرەپ قالعان كەڭەس وداعىن كوكسەيتىندەر جۇرگەنىندە ەلباسىمىز مەجەلەگەن ماڭگىلىك ەلگە قالاي اينالامىز؟ 
مەنى وسىنداي ويلار مازالايدى. ءسىزدى شە؟..