قازاقستان پرەزيدەنتى نۇرسۇلتان نازاربايەۆ استانادا ق ر كاسىپوداقتار فەدەراسياسىنىڭ كەزەكتەن تىس XXV سەزىنىڭ قاتىسۋشىلارىنا قۇتتىقتاۋ لەبىزىن جولدادى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
ق ر مەملەكەتتىك حاتشىسى گۇلشارا ءابدىقالىقوۆا قازاقستان پرەزيدەنتى نۇرسۇلتان نازاربايەۆتىڭ قۇتتىقتاۋ حاتىن وقىپ بەردى. ءوز سوزىندە مەملەكەت باسشىسى قازاقستان قوعامىنداعى كاسىپوداق قوزعالىسىنىڭ ۇلكەن بەدەلىن اتاپ ءوتتى. ونىڭ ايتۋىنشا، بۇگىندە قازاقستاندىق كاسىپوداق ۇيىمدارى ەڭبەككەرلەر قۇقىقتارىن تابىستى قورعاپ، ەڭبەك جاعدايى مەن قاۋىپسىزدىكتى جاقسارتىپ كەلەدى. كاسىپوداقتار 2،8 ملن قازاقستاندىقتىڭ جۇمىس ورنىن ساقتاپ قالۋعا ىقپال ەتكەن. سونىمەن بىرگە، سەزگە قاتىسۋشىلارى الدىندا ق ر ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆا مەن حالىقارالىق ەڭبەك ۇيىمىنىڭ قازاقستانداعى ۇلتتىق ۇيلەستىرۋشىسى تالعات ءومىرجانوۆ ءسوز سويلەدى. جالپى ق ر كاسىپوداقتار فەدەراسياسى سەزىنىڭ جۇمىسىنا قازاقستاننىڭ بارلىق وڭىرلەرىندەگى سالالىق كاسىپوداق ۇيىمدارى اتىنان 200-دەن استام دەلەگات قاتىسۋدا.
