شىعىس قازاقستان وبلىسىندا زىريان اۋدانى مەن قالاسىنىڭ اتاۋىن التاي دەپ وزگەرتۋ تۋرالى قوعام قايراتكەرلەرى مەن ەل اعالارى ءوز ويلارىن ءبىلدىرىپ جاتىر. سىزدەرگە اكادەميك، جازۋشى عاريفوللا ەسىمنىڭ پىكىرىن ۇسىنىپ وتىرمىز.
حالىق كوكىرەگىنىڭ تورىندە جۇرگەن ويدى دانيال احمەتوۆ ءدوپ باستى. بۇل ۇلتتىق مۇددەنى كوزدەگەن جاڭاشىل اكىمنىڭ يننوۆاسيالىق شەشىمى بولدى. التاي اتاۋىنىڭ جاڭعىرۋى وسى ولكەگە نۇرساۋلە بولاتىن وقيعا. «التاي» ەسىمى وتكەن مەن بولاشاقتى بايلانىستىراتىن التىن كوپىر.
وسى تۇستا زىريان حالقىنىڭ ءبىرتۇتاستىق تانىتىپ، ءبىراۋىزدان بولاشاققا ۇمتىلىپ، التاي اتاۋىن قولداعاندىعى كوڭىل قۋانتادى. جاقسىلىقتى توسۋدىڭ قاجەتى جوق، جاقسىلىقتى جاقىنداتۋ كەرەك. وسى تۇستا وبلىس اكىمى بۇل ءىستى كەيىنگە شەگەرمەي جەدەلدەتۋى ءجون بولدى دەپ بىلەم.
زىريان اۋدانى مەن قالاسىنىڭ اتىن التاي دەپ وزگەرتۋدى رەسپۋبليكا جۇرتشىلىعى قىزۋ قولداۋدا. باسىلىم بەتىنەن مۇنداي اقپاراتپەن تانىس بولعان عالىمدار مەن قوعام قايراتكەرلەرى بىر-بىرىمەن سويلەسىپ، بىر-بىرىمەن قۋانىشتى حاباردى بولىسۋدە. ونىڭ سەبەبى بار، ءتور التاي، ءور التاي دەگەن ۇعىمدار تەك قانا شىعىس قازاقستان وبلىسىنا ءتان اتاۋلار. كەڭەستىك زاماندا التايعا قاتىستى اتاۋلار جويىلعان. رۋحاني جاڭعىرۋ دەگەنمىمىز ءتول اتاۋلاردى قالپىنا كەلتىرۋ. زىريان اۋدانىنىڭ التاي اتالۋى وسى رۋحاني جاڭعىرۋدىڭ ناقتى كورىنىسى.
عاريفوللا ەسىم،
اكادەميك، جازۋشى
