2 قازاندا يراك پارلامەنتى «كۇردىستاننىڭ پاتريوتتىق وداعى» پارتياسىنىڭ وكىلى باحرام ءساليحتى ەل پرەزيدەنتى ەتىپ سايلادى. داۋىس بەرۋ پروسەسىندە باحرام ءساليحتىڭ كانديداتۋراسىن 301 دەپۋتاتتىڭ 165ء-ى قولدادى.
جاڭادان سايلانعان پرەزيدەنت سەيسەنبى كۇنى بۇرىنعى يسلام سوۆەتىنىڭ باسشىسى بولعان ادەل ابدۋل ءماحديدى پرەمەر-مينيستر ەتىپ بەكىتتى ءارى جاڭا ۇكىمەت قۇرۋدى تاپسىردى.
يراك كونستيتۋسياسىنا سايكەس، ادەل ابديل ماحدي 30 كۇن ىشىندە پارلامەنتكە جاڭا ۇكىمەت قۇرامىن ۇسىنۋى ءتيىس.
ايتا كەتەيىك، يراكتا پرەزيدەنت نەگىزىنەن ءفورمالدى قىزمەت اتقارادى جانە وكىلەتى شەكتەۋلى. پرەمەرلىككە ۇسىنىلعان ادەل ابدۋل-ماحدي بۇعان دەيىن ۆيسە-پرەزيدەنت، مۇناي ءمينيسترى جانە قارجى ءمينيسترى قىزمەتتەرىن اتقارعان.
