ەلباسى 5 قازاندا اقوردا رەزيدەنسياسىندا حالىققا جولداۋىن جاريالادى، دەپ حابارلايدى Qamshy.kz اقپارات اگەنتتىگى.
ەلباسى جولداۋىن ۇلتتىق تەلەارنالار مەن اقوردانىڭ فەيسبۋكتەگى رەسمي پاراقشاسى تىكەلەي ەفيردە كورسەتىپ جاتىر. ءبىلىم جۇيەسى، تۇرعىن ءۇي ساپاسى، جەر ماسەلەلەرىن ايتا كەلە ەلباسى سوت جۇيەسىندەگى كەمشىلىكتەردى اتادى.
«بىرىنشىدەن، سوت جۇمىسىنىڭ زاماناۋي فورماتتارىن جانە وزىق ەلەكتروندى سەرۆيستەر ەنگىزۋدى جالعاستىرعان ءجون. ەكىنشىدەن، سوت جۇيەسىندەگى كادرلاردى وزگەرتۋ ارقىلى ساپالى دامۋىن قامتاماسىز ەتۋ كەرەك. بۇل تۋرالى ءجيى ايتامىن. مىقتى زاڭگەرلەردى جيناۋ كەرەك. ءبىراق ازىرگە ولاي ەمەس. ول ءۇشىن ءبارىن جاسادىق.
ءمىنسىز سوت پراكتيكاسى قاجەت. اسىرەسە، بيزنەس پەن مەملەكەتتىك قۇرىلىم اراسىنداعى سوت داۋىنا كەلگەندە مۇنى ەسكەرۋ قاجەت. سوتقا حالىق ماسەلەنى شەشۋ ءۇشىن جۇگىنەدى، سونى بىلەسىڭدەر مە؟
بىزدە سوۆەت وداعىندا سوتقا ەمەس، پارتيانىڭ اۋداندىق كوميتەتىنە شاعىمداناتىن. بۇل زاڭدىلىق. ال زاڭعا ەشكىم قارسى شىقپايدى. ادامدار شاعىمىن پرەزيدەنتكە جازادى. سەبەبى سوتتىڭ ءادىل شەشىم شىعاراتىنىنا سەنبەيدى. سول سەبەپتى سوتقا تاعى دا مىندەت جۇكتەگىم كەلەدى. 27 جىل بولدى. باياعى سۋديالار وتىر. ءبىراق ءالى ماسەلە شەشىلمەي كەلەدى»، - دەگەن ەلباسى جوعارعى سوت ءتوراعاسى جاقىپ اسانوۆتى ورنىنان تۇرعىزدى.
ءارى سوتقا كاسىبيلىك جەتپەيتىنىن تىلگە تيەك ەتتى. ەلباسىنىڭ سىنىنا جوعارعى سوت ءتوراعاسى جاقىپ اسانوۆتىڭ جاۋابى دايىن تۇردى.
«ءسىزدىڭ تاپسىرماڭىزدان كەيىن ۇمىتكەرلەردى مۇقيات قارايتىن بولدىق. 2 بايقاۋ ءوتتى، جالپى 140 ادام ءوزىن ۇسىندى. ءبىراق 140 ادامنان 5-اق ادامدى سۋديالىققا ۇسىندىق»، - دەدى اسانوۆ.
بۇدان كەيىن ەلباسى جوعارعى سوت كەڭەسىنىڭ ءتوراعاسى تالعات دوناقوۆقا شۇيلىكتى. بۇگىنگى ايتىلعانداردى تاعى ءبىر مارتە قايتالاتپاۋدى بۇيىردى.
ايتا كەتەيىك، ەلباسىنىڭ 2017 جىلعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىندا ەل ەكونوميكاسىن وركەندەتىپ قانا قويماي، ءبىلىمدى دامىتۋ، رۋحانياتىمىزدى جاڭعىرتۋ، قاۋىپسىزدىك شارالارىن كۇشەيتۋ، ءدىني ەكسترەميزمنىڭ الدىن الۋ، قىلمىستىق جازانى وتەپ جاتقان ازاماتتاردى تەولوگيالىق تۇرعىدان ساۋاتتاندىرۋ ماسەلەلەرى ايتىلدى.
مەملەكەت باسشىسى وسكەلەڭ ۇرپاقتى ءوز بەتىمەن ىزدەنۋگە ۇندەپ، وسى باعىتتا وقىتۋ باعدارلامالارىن جەتىلدىرۋدى تاپسىردى. سونىمەن قاتار، ITء-بىلىمدى، قارجىلىق ساۋاتتىلىقتى، ۇلتجاندىلىقتى دامىتۋعا باسا كوڭىل ءبولۋ قاجەتتىگىن ءسوز ەتتى.
ال 2018 جىلى 10 قاڭتاردا «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىن جاريالادى. وندا ءتورتىنشى ونەركاسىپتىك ريەۆوليۋسيا الەمىنە بەيىمدەلۋ مەن جەتىستىككە جەتۋ جولىن تابۋ ءۇشىن نە ىستەۋ قاجەتتىگىن ايقىندادى. ءۇش ءتىلدى مەڭگەرگەن كەز كەلگەن ەتنيكالىق توپتىڭ وكىلى پرەزيدەنت بولا الاتىنى ايتىلدى. 2018 جىلى زەينەتاقى مەن جاردەماقىنىڭ جانە مۇعالىمدەر جالاقىسىنىڭ نەشە پايىزعا وسەتىنىن حابارلادى.
