التاي رەسپۋبليكاسى مەن قازاقستان اراسىندا جاڭا جول سالۋدى جوسپارلاپ وتىر. بۇل تۋرالى رەسەي ايماعىنىڭ باسشىسى الەكساندر بەردنيكوۆ قازاقستان كونسۋلى قونىسبەك جۇسىپبەكوۆپەن كەزدەسۋىندە مالىمدەدى دەپ جازادى رەسەيدەگى قازاقستان ەلشىلىگىنىڭ سايتى.
بەردنيكوۆتىڭ سوزىنشە، وسى جىلدىڭ قاراشا ايىندا مەملەكەت باسشىلارى ۆلاديمير پۋتين مەن نۇرسۇلتان نازاربايەۆتىڭ كەزدەسۋى بارىسىندا تالقىعا سالىناتىن باستى تاقىرىپ تۋريزم سالاسىنداعى ءوزارا ىنتىماقتاستىق.
«التاي رەسپۋبليكاسىندا بۇل جەتەكشى باعىتتاردىڭ ءبىرى. الدىڭعى جىلى ءبىز 2 ميلليوننان اسا قوناقتاردى كۇتىپ الدىق جانە ولاردىڭ سانى جىل ساناپ ارتىپ كەلە جاتىر. قازىرگى ۋاقىتتا جوعارى دەڭگەيدە تالقىلانىپ جاتقان قازاقستانعا جول سالۋدان كەيىن وسى جانە باسقا دا اسپەكتىلەردە ءوزارا ىنتىماقتاستىق ودان ءارى نىعايتىلادى»، - دەپ مالىمدەدى بەردنيكوۆ.
ءوز كەزەگىندە قونىسبەك جۇسىپبەكوۆ قازاقستاندىق تۋريستەر اراسىندا التاي تاۋلارى سۇرانىسقا يە ەكەندىگىنە سەنىم ءبىلدىردى. سونداي-اق، ول التاي رەسپۋبليكاسى مەن شىعىس قازاقستان وبلىس اراسىندا سالىناتىن جول تەك تۋريستەردىڭ سانىن ارتتىرىپ قانا قويماي، ەكونوميكالىق جاعدايدى دا، ارتتىراتىنىنا سەنىپ ءبىلدىردى.
