بۇگىن تاريحتا قالاتىن عاسىر جەكپە-جەگىندە حابيب كونوردى قىلعىندىرۋ ءتاسىلى ارقىلى جەڭگەن بولاتىن. اتالمىش جەكپە-جەكتەن كەيىن جانكۇيەرلەر مەن ءحابيبتىڭ اراسىندا داۋ شىعىپ، ۇيىمداستىرۋشىلار UFC بەلدىگىن حابيبكە تابىستامادى.  UFC پرەزيدەنتى دانا ۋايت حابيبكە نە ءۇشىن بەلدىكتى تابىستاماعانىن ءتۇسىندىردى دەپ جازادى Qamshy.kz اقپارات اگەنتتىگى. 

"مەن كونوردىڭ كومانداسىنداعى جىگىت جەڭىسكە جەتكەن ءحابيبتى جەكپە-جەككە شاقىرعانىن كوردىم. كونوردىڭ كومانداسى ءحابيبتى بالاعاتتاي باستادى. حابيب رۇقساتسىز شىعىپ الگى جىگىتپەن توبەلەسىپ قالدى. قازىرگى كەزدە تەرگەۋ جۇرگىزىلىپ، ناقتى قانداي جاعداي بولعانى انىقتالىپ جاتىر. مەن ەگەر حابيبكە بەلدىكتى تابىستاسام ارەناداعى ادامداردىڭ نە ىستەيتىنىن كوز الدىما ەلەستەتە دە المايمىن. مۇنداي جايتتان كەيىن بۇل ەكى سپورتشى دا UFC چەمپيوناتىنا قاتىسپاۋى مۇمكىن. ازىرگە كوميسسيا مۇشەلەرى بۇل جايتتىڭ جاي-جاپسارىن انىقتاپ جاتىر. حابيبكە ەندىگى كەزەكتە ۆيزا بەرىلمەۋى ابدەن مۇمكىن. سونىمەن بىرگە ەكى سپورتشىعا تەرگەۋ جۇمىستارى اياقتالمايىنشا اقشا تولەنبەيدى. الداعى ۋاقىتتا ولاردى ايىپپۇل مەن جازا كۇتىپ تۇر. مۇنداي جايتتىڭ بولاتىنىن مەن كۇتپەدىم. بارلىعى كۇتپەگەن جەردەن بولدى. ءحابيبتىڭ وكتاگوننان شىعىپ كەتەتىنىن كۇتكەن جوقپىن. ولار شىنىمەن ءبىر-بىرىن جەك كورەدى. مەن ءحابيبتى چەمپيون دەپ ەسەپتەيمىن. حابيب مەنەن چەمپيوندىق بەلدىكتى تابىستاۋدى سۇرادى. ءبىراق مەن قارسى بولدىم. سەبەبى ارەنادا 20 مىڭعا جۋىق ادام بولدى. مەن ولاردىڭ دا قاۋىپسىزدىگىنە جاۋاپتىمىن. جاقىن ارادا ەكى سپورتشى دا سۇقبات بەرەتىن بولادى. ەگەر حابيب كونوردىڭ قولىن الىپ، "بۇگىن تاريحتا قالاتىن جەكپە-جەك بولدى"،-دەپ ايتۋىنا بولاتىن ەدى. سول كەزدە بۇل جەكپە-جەك باسقاشا اياقتالىپ، ءحابيبتىڭ بەدەلى ارتاتىن تۇسەتىن ەدى. الايدا بارلىعى باسقاشا اياقتالدى. بۇل مەن ءۇشىن ەڭ اۋىر ءتۇن بولدى"، دەدى UFC پرەزيدەنتى دانا ۋايت.