الماتى قالاسى قىلمىستىق ىستەر بويىنشا مامانداندىرىلعان اۋدانارالىق سوتىندا ۆيكتور حراپۋنوۆ پەن جارى لەيلا حراپۋنوۆاعا جانە ءىستىڭ وزگە دە فيگۋرانتتارىنا قاتىستى ۇكىم شىعاردى. بۇدان بۇرىن پروكۋرورلار سوتتان ۆيكتور حراپۋنوۆتى 20 جىل، ال ايەلىن 17 جىلعا سوتتاۋدى سۇراعان.

سۋديا قاسىم قالماعامبەتوۆ ۆيكتور حراپۋنوۆتى 17 جىلعا باس بوستاندىعىنان ايىرىپ، مۇلكىن تاركىلەۋ، سونىمەن قاتار مەملەكەتتىك قىزمەتتە، ۇلتتىق حولدينگتەر مەن كومپانيالاردا جۇمىس ىستەۋ مۇمكىندىگىنەن ايىرۋ تۋرالى شەشىم شىعاردى.

ەكس-اكىم جازاسىن الماتىداعى قاۋىپسىزدىگى قاتاڭ قىلمىستىق-اتقارۋ مەكەمەسىندە وتەيتىن بولادى.

ال حراپۋنوۆا 14 جىىلعا سوتتالدى، جازاسىن قاۋىپسىزدىگى ورتاشا قىلمىستىق-اتقارۋ مەكەمەسىندە وتەيدى. ءارى مۇلكى تاركىلەنىپ، مەملەكەتتىك قىزمەتتەن الشاقتاتۋ تۋرالى شەشىم شىقتى.

ءىستىڭ تاعى ءبىر فيگۋرانتى اييار يلياسوۆ بەس جىلعا باس بوستاندىعىنان ايىرىلدى.

سونىمەن قوسا، جازاعا تارتىلعاندار: قۋاندىق بيسكۋلتانتوۆ، التاي قاسىموۆ، ياكوۆ زاياس، اباي ساپاروۆ، سەرىك ەسمۇقانوۆ، ايناگۇل سادىقبايەۆا، ابدۋل-عازيز مۇقاشيەۆا، ابىلاي قارىمساقوۆ، عابيدەن قايىمسۇلتانوۆ.

حراپۋنوۆ ءىسى سوتتالۋشىلاردىڭ قاتىسۋىنسىز ءوتتى. تەرگەۋ مالىمەتىنە سايكەس، ول ءوزىنىڭ قىزمەتتىك جاعدايى مەن مارتەبەسىن قولدانىپ، ماتەريالدىق يگىلىگىن قامتاماسىز ەتىپ الماق بولعان.

ولار پارا الۋ، قىلمىستىق توپتى باسقارۋ جانە بيۋدجەت اقشاسىن جىمقىرۋ بويىنشا ايىپتالىپ وتىر. مەملەكەتكە 250 ميلليون دوللار شىعىن اكەلگەن.

ۆيكتور حراپۋنوۆقا ق ر قك 235-بابى (ءبىر نەمەسە بىرنەشە قىلمىس جاساۋ ماقساتىندا ۇيىمداسقان توپ قۇرۋ نەمەسە باسشىلىق ەتۋ)، 176-بابى (سەنىپ تاپىسىرىلعان مۇلىكتى يەمدەنۋ نەمەسە ۇرلاۋ)، 177-باپ (الاياقتىق)، 193-بابى (زاڭسىز جولمەن الىنعان اقشانى نەمەسە وزگە مۇلىكتى لەگاليزاسيالاۋ)، 307 (قىزمەت وكىلەتتىلىگىن اسىرا پايدالانۋ) جانە 311 (پارا الۋ) باپتارى بويىنشا ايىپتالسا، ججارى لەيلا حراپۋنوۆانىڭ ارەكەتتەرى 235 (ءبىر نەمەسە بىرنەشە قىلمىس جاساۋ ماقساتىندا ۇيىمداسقان توپ قۇرۋ نەمەسە باسشىلىق ەتۋ)، 177 (الاياقتىق) جانە 193 (زاڭسىز جولمەن الىنعان اقشانى نەمەسە وزگە مۇلىكتى لەگاليزاسيالاۋ) باپتارى بويىنشا ايىپتالدى.