جامبىل وبلىسى پروكۋراتۋراسىنىڭ القا ماجىلىسىندە شەكتەۋلى ازاماتتاردىڭ قۇقىقتارىن قورعاۋ سالاسىنداعى زاڭدىلىقتىڭ جاي-كۇيى تالقىلاندى، دەپ جازادى Qamshy.kz اقپارات اگەنتتىگى.

تالداۋ كورسەتكەندەي، ۋاكىلەتتى ورگانداردىڭ قىزمەتى ءتيىستى دارەجەدە ۇيىمداستىرىلماعان، ناتيجەسىندە مۇگەدەكتەردىڭ  قۇقىقتارى  بۇزىلعان.

ۋاكىلەتتى ورگانداردىڭ  كىناسىنەن 1300-دەن استام مۇگەدەك زاڭ بويىنشا تيەسىلى پروتەزدىك-ورتوپەديالىق قۇرالداردى الماعان، مۇگەدەك بالالارعا شيپاجايلىق-كۋرورتتىق ەم بەرىلمەگەن.

دەنساۋلىق ساقتاۋ جانە ءبىلىم بەرۋ ۇيىمدارىندا جۇمىس ىستەيتىن 222 مۇگەدەكتەن ەكى جىل ىشىندە 6،5 ملن استام تابىس سالىعى زاڭسىز ۇستالعان.

ت.رىسقۇلوۆ اۋدانىنىڭ جۇمىسپەن قامتۋ ورتالىعىنىڭ قىزمەتكەرلەرى  مۇگەدەكتەردى الەۋمەتتىك  جۇمىس ورىندارىنا جالعان جۇمىسقا ورنالاستىرۋ جولىمەن بيۋدجەتكە 700 مىڭ تەڭگەگە شىعىن كەلتىرگەن.

كىنالى تۇلعالار الاياقتىق جاساعانى ءۇشىن (قك 190-بابى 1-بولىگىمەن) قىلمىستىق جاۋاپكەرشىلىككە تارتىلىپ، زالال قالپىنا كەلتىرىلدى.

وسى اۋداندا ءتورت جىل ىشىندە ەشقانداي جۇمىستى ورىنداماعان مۇگەدەكتەردىڭ الەۋمەتتىك كومەكشىسىنە (1،9 ملن.تەڭگە شىعىن) جالاقى تولەندى.

بۇل فاكتى بويىنشا سەنىپ تاپسىرىلعان بوتەن مۇلىكتى يەمدەنگەنى نەمەسە ىسىراپ ەتكەنى  ءۇشىن سوتقا دەيىنگى تەرگەۋ باستالدى (قك 189-بابى 3-بولىگىنىڭ 2-تارماعى).

بۇگىنگى كۇنى وبلىس پروكۋراتۋراسىنىڭ  اكتىلەرى بويىنشا 4ملن تەڭگە وتەلدى. بۇل باعىتتا جۇمىس جاسالۋدا.