قازاقستاننىڭ سىرتقى ساۋدا پالاتاسى قازاقستان – مالايزيا ىسكەرلىك كەڭەسىنىڭ  يناۋگۋراسيالىق وتىرىسىنا قاتىسۋعا شاقىرادى، وتىرىس شەڭبەرىندە ەكى ەلدىڭ مەملەكەتتىك جانە ىسكەرلىك توپتارىنىڭ قاتىسۋىمەن بيزنەس-فورۋم وتەدى.

ءىس-شارانىڭ باستى ماقساتى – قاتىسۋشىلاردى قازاقستان رەسپۋبليكاسى مەن مالايزيا اراسىنداعى ساۋدا-ەكونوميكالىق جانە ينۆەستيسيالىق ىنتىماقتاستىقتى كەڭەيتۋ مۇمكىندىكتەرىمەن تانىستىرۋ، سونداي-اق الەۋەتتى بىرلەسكەن جوبالاردى تالقىلاۋ، بيزنەس ارىپتەستەردى ىزدەۋ جانە ەلدەر اراسىنداعى ىسكەرلىك بايلانىستاردى جانداندىرۋ ءۇشىن الاڭدار ۇسىنۋ. 

بيزنەس-فورۋم شەڭبەرىندە ۆ2ۆ كەزدەسۋلەر وتكىزۋ، ءوزارا تۇسىنىستىك تۋرالى ءبىرقاتار مەموراندۋمدارعا جانە ىنتىماقتاستىق تۋرالى شارتتارعا قول قويۋ جوسپارلانىپ وتىر.

ىسكەرلىك كەڭەس جۇمىسىنا قازاقستان مەن مالايزيانىڭ رەسمي تۇلعالارى، ەكى ەلدىڭ ۇلتتىق كومپانيالارىنىڭ، ەكونوميكانىڭ ءتۇرلى سەكتورلارىنداعى ءىرى بيزنەس وكىلدەرى قاتىسادى دەپ كۇتىلۋدە.

بيزنەس-فورۋمعا تىركەلۋ مىنا سىلتەمە بويىنشا قولجەتىمدى: https://goo.gl/forms/qr5R1gPEXlkd73oA3

ءىس-شارا وتەتىن كۇن جانە ورىن: 2018 جىلعى 30 قازان، الماتى ق.، «Royal Tulip Almaty» وتەلى. باستالۋى: 09.00.

ءىس-شارانى ۇيىمداستىرۋشىلار: «MATRADE» مالايزيانىڭ سىرتقى ساۋدانى دامىتۋ كورپوراسياسىنىڭ قولداۋىمەن قازاقستان-مالايزيا ىسكەرلىك كەڭەسى، قازاقستان رەسپۋبليكاسىنىڭ مالايزياداعى ەلشىلىگى، «اتامەكەن» ق ر ۇكپ جانە قازاقستاننىڭ سىرتقى ساۋدا پالاتاسى.