وسى كۇندەرى كانن قالاسىندا «MIPCOM» حالىقارالىق كورمەسى ءوتىپ جاتىر. ءىس-شارادا الەمنىڭ كوپتەگەن ەلدەرىنىڭ تەلەكومپانيالارى ءوز جوبالارىن ۇسىنۋدا. وسى جيىنعا «حابار» اگەنتتىگى دە ءوز جوبالارىمەن ، كوركەم فيلمدەر، سەريالدار مەن دەرەكتى تۋىندىلار، قازاقستان تۋرالى تۋريستىك باعدارلامالارىمەن ارنايى قابىرعا دايىنداپ، قاتىستىرۋشىلارعا تانىستىرىلۋدا. سونداي-اق كورمە شەڭبەرىندە «حابار» اگەنتتىگىنىڭ Discovery ارناسىمەن بىرىگىپ تۇسىرگەن 2 جوباسى ۇسىنىلادى. ولار – «Discovery Atlas» اتتى دەرەكتى فيلمدەر توپتاماسى مەن قازاقستاننىڭ ءوندىرىسى، مادەنيەتى مەن ءتۋريزمى جايلى «How It’s Made» باعدارلاماسى.
Discory Atlas – ءار ءتۇرلى ەلدەر مەن حالىقتاردىڭ قيىندىعى مەن قۋانىشى قاتار جۇرەتىن كۇندەلىكتى تۇرمىس-تىرشىلىگىن، ءسالت-داستۇرى مەن مادەنيەتى تۋرالى باياندايتىن Discovery ارناسىنىڭ دەرەكتى فيلمدەر توپتاماسى.
How It’s Made جوباسى - العاش 2001 جىلى جارىق كورگەن، وندا تۇرمىسقا قاجەتتى زاتتار مەن ونىمدەردىڭ دايىندالۋ پروسەسىن، ءوندىرىس وشاقتارىنىڭ جۇمىسىن باياندايتىن دەرەكتى فيلم.
