كۇزدىڭ قارا سۋىعى القىمنان الا باستاعالى بەرى «قورعاس» حالىقارالىق شەكارا ماڭى ىنتىماقتاستىعى ورتالىعىندا ماۋسىمدىق تاۋارلارعا دەگەن سۇرانىستىڭ كوپتىگى كۇننەن-كۇنگە ارتا تۇسۋدە. وعان جۇڭگو مەن ەكى ورتادا كۇندەلىكتى ساۋدا-ساتتىق ماقساتىمەن قاتىنايتىن ادامداردىڭ سانى دا ءتورت مىڭنان اسىپ جىعىلاتىنى دالەل. وسى ورايدا، ارى-بەرى ساپىرىلىسىپ جاقتان جولاۋشىلار كونتينگەنتىنىڭ ىشىندە  نەبىر تەرىس پيعىلدى پەندەلەر دە از ەمەس. ولار كەدەندىك تەكسەرۋ كەزىندە تاۋارلاردى جاسىرىپ ءوتۋدىڭ نەبىر  ادىستەرىن قولدانۋعا تىرىسادى. سەبەبى، قىمبات باعالى كيىمدەردىڭ كەدەندىك باج سالىعىنىڭ ءتاريفى جوعارى بولعاندىقتان، كەدەن زاڭىنا باعىنۋ ونداي ادامدارعا ونشا ءتيىمدى ەمەس. سوندىقتان دا قۋلىقتىڭ قىرىق قالتارىسىن قولدانۋدىڭ نەبىر ادىستەرىن ويلاستىرادى. وسىنداي قىسىلتاياڭ ساتتەردە بىرلەسە اس-ارەكەت ەتۋ شارالارى عانا ءتيىمدى ناتيجە بەرەتىنى ءسوزسىز.

22 قازان كۇنى كەزەكتى كەدەندىك تەكسەرۋ كەزىندە تەرىس پيعىلدى كونترابانديستەردىڭ جىمىسقى ارەكەتى كەدەنشىلەردىڭ نازارىنان تىس قالمادى. كەدەنشىلەر مەن شەكارا قىزمەتى جانە «قورعاس» پوليسيا ءبولىمى قىزمەتكەرلەرىمەن بىرلەسە وتىرىپ ارەكەت ەتۋدىڭ ناتيجەسىندە 70 دانا قىمبات باعالى تەرىلەردەن (نەگىزىنەن قۇندىز) تىگىلگەن سىرت كيىمدەر ۇستالدى. بۇل جونىندە qamshy.kz اقپارات اگەنتتىگىنە الماتى وبلىستىق مەملەكەتتىك كىرىستەر دەپارتامەنتى «التىنكول» كەدەن بەكەتىنىڭ باسپا ءسوز قىزمەتىنىڭ وكىلدەرى حابارلادى.

قازىرگى ۋاقىتتا ۇستالعان تاۋارلاردىڭ كەدەندىك قۇنىن انىقتاۋ جانە اتالمىش تاۋارلارعا قاتىسى بار ادامداردى جاۋاپكەرشىلىككە تارتۋ ماسەلەلەرى قولعا الىنۋدا.

ەركىن قالدان