ەكىنشى دۇنيەجۇزىلىك سوعىس بىتەر كەزدە انتيگيتلەرلىك كواليسيا تاراپىنان باستاما كوتەرىلىپ، 1945 جىلى 26 ماۋسىمدا بۇل ۇيىمنىڭ جارعىسى قابىلدانسا، 24 قازاندا كۇشىنە ەنگەن بولاتىن. الەمدەگى بارلىق ەلدەر تەڭ دارەجەدە بىرىگىپ، جۇمىس ىستەۋگە شاقىرعان بۇۇ-دا بۇگىنگى تاڭدا 193 مەملەكەت مۇشە.

وكىنىشكە قاراي، اينالدىرعان 5-6 مەملەكەت وسى ۇيىمدى اشسا الاقانىندا، جۇمسا جۇدىرىقتارىندا ۇستاپ، تەك قانا ءوز مۇددەلەرىنە پايدالانىپ وتىر. قالعان ەلدەردىڭ ءۇنى اسا شىعا قويمايدى. مۋامار كاددافي كەزىندە "بۇۇ جارعىسى نەگە ساقتالمايدى؟" دەپ ءوز سىنىن ايتىپ ەدى. ونىڭ جاعدايى نە بولعانى تۇسىنىكتى.

اتى بار دا، زاتى جوق حالىقارالىق ۇيىم سول كەزدە سوعىستان تيتىقتاعان الەم حالىقتارىنا "بۇدان بىلاي سوعىس پەن قاقتىعىستار بولمايدى" دەپ سەندىرگەن ەدى. بارىمىزگە ءمالىم، ودان كەيىن كورەي تۇبەگىندە. ۆيەتنامدا، اۋعانستاندا جانە دە باسقا دا كوپتەگەن ەلدەردە قاتتى قانتوگىستەر بولعان سوعىستار ءوتتى. ادامزات ءالى كۇنگە دەيىن وسى قىرعي-قاباق سوعىس جاعدايىندا ءومىر ءسۇرىپ كەلە جاتىر جانە الپاۋىت ەلدەردىڭ الدىندا بۇۇ  دارمەنسىزدىگىن كورسەتۋدە.

سەرىكقازى كوكەناي