قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن،  قازاقستان تەاترلارى اسسوسياسياسى 2017 جىلدىڭ 30 قازان – 6 قاراشا ايلارى ارالىعىندا تالدىقورعان قالاسىندا استانانىڭ 20 جىلدىعى مەن كورنەكتى مەملەكەت قايراتكەرى تەمىربەك جۇرگەنوۆتىڭ 120 جىلدىعىنا ارنالعان VII ورتالىق ازيا ەلدەرىنىڭ حالىقارالىق فەستيۆالىن وتكىزەدى، دەپ حابارلايدى Qamshy.kz اقپارات اگەنتتىگى. 

فەستيۆالگە ب ا ق سىناۋعا قازاقستان، قىرعىزستان، تاجىكستان، تۇرىكمەنستان، باشقۇرتستان، وزبەكستان، تۇركيا  ەلدەرىنىڭ تەاترلارى قاتىسادى.

فەستيۆال ورتالىق ازيا ەلدەرى مەن قازاقستاننىڭ تەاتر ونەرى سالاسىنداعى ارىپتەستىكتى نىعايتۋ، تەاتر ونەرىن دامىتۋ جانە وسى سالا ماماندارىن شىعارماشىلىق باستامالارعا ىنتالاندىرۋ، سونداي-اق، جۇرتشىلىقتىڭ نازارىن تەاتر ءۇردىسىنىڭ جاڭا، زاماناۋي ۇلگىلەرىنە اۋدارۋ ماقساتىندا وتكىزىلەدى.

جوعارىدا اتالعان 7 مەملەكەتتىڭ باس تەاترلارى قاتىساتىن فەستيۆال اياسىندا جالپى كولەمدە 12 قويىلىم كورەرمەن نازارىنا ۇسىنىلاتىن بولادى. ايتا كەتەيىك، اتالمىش فەستيۆال بەكەن ريموۆا اتىنداعى تالدىقورعان دراما تەاترىنىڭ جاڭا جانە ەسكى عيماراتىندا وتەدى. قويىلىمداردى تالدىقورعان قالاسىنىڭ تۇرعىندارى مەن قوناقتارى تەگىن تاماشالاي الادى.