2018 جىلعى 25 قازاندا قازاقستان رەسپۋبليكاسىنىڭ باس پروكۋراتۋراسى سوتتىڭ سانكسياسى بويىنشا «RBK Bank» اق بۇرىنعى باسقارۋشى ديرەكتورى اسىلبەك يگىلماندى تۇتقىندادى، دەپ جازادى Qamshy.kz اقپارات اگەنتتىگى. بۇل تۋرالى باس پروكۋراتۋرانىڭ باسپا ءسوز قىزمەتى حابارلادى.
«ول «RBK Bank» اق ديرەكتورلار كەڭەسى وكىلىنىڭ بۇرىنعى كەڭەسشىسى جومارت ەرتايەۆپەن ءسوز بايلاسىپ، زاڭسىز نەسيە رەسىمدەۋ ارقىلى بانكتىڭ 850 ملن تەڭگە كولەمىندەگى اقشالاي قاراجاتتىن جىمقىردى دەگەن كۇدىككە ىلىكتى»، - دەلىنگەن حابارلامادا.
♦"جومارت ەرتايەۆ وتباسىڭمەن بىرگە باۋىزداپ تاستايمىن دەپ قورقىتتى" - ەۆگەنيي پاك
♦ماسكەۋدە ۇستالعان كاسىپكەر جومارت ەرتايەۆتىڭ ايەلى سىرتتاي تۇتقىندالدى
اسىلبەك يگىلمان بۇل قاراجاتتىڭ 15 مىڭ تەڭگەسى بار دەپوزيتتىك ەسەپتى كەپىلدىككە ۇسىنىپ، 2013 جىلى العان. ۇرلانعان قاراجاتتار بانكتىڭ توپ-مەنەدجمەنتى جانە جۇمىسشىلارى اراسىندا بونۋس تۇرىندە بولىسكە سالىنىپتى. اسىلبەك ءوزىنىڭ ۇلەسىنە الماتى قالاسىنىڭ قىمبات اۋدانىنان 288 ميلليون تەڭگەنىڭ ءۇيىن سالىپ العان، الايدا ءقازىر ونىڭ ءۇيى دە ارەستكە قويىلدى. بۇرىن بۇل بانكتىڭ توپ-مەنەدجەرلەرى - دانيار تۋعانباي، دانيار ەدىگەنيەۆ، رۋسلان باتىربايەۆ جانە باقىت يبراگيمدەردى ۇستالعان بولاتىن. ولار ءوز ايىبىن مويىنداپ، كەلتىرىلگەن زالالدى وتەۋگە اتسالىسىپ جاتىر.
