«اۋىلداستار»، «پاترۋل» سەريالدارى ارقىلى جاستار اراسىندا تانىمال مەيىرجان تورەبايەۆتى Tengrinews TV-داعى The ەفير باعدارلاماسى قوناققا شاقىرىپ، سۇحبات قۇرىپتى. Tengri-لىقتاردىڭ ايتۋىنشا، 582 000 ادام مەيىرجاننىڭ شىعارماشىلىعىنا قىزىعۋشىلىق تانىتادى ەكەن. وسىنداي جەتىستىكتەرىنىڭ ارقاسىندا باعدارلاما قوناعى بولعان مەيىرجان جۋرناليستپەن وزبەكستانداعى ءومىرى، «پاترۋلگە» تاپ بولۋى، ءدىن جايلى وي-كوزقاراستارى جايلى ءبولىسىپتى.
وردالى وتىزدىڭ تورتەۋىنە كەلگەن مەيىرجان وزبەكستاننىڭ ناۋاي وبلىسىنداعى زارافشان قالاسىندا دۇنيە كەلگەن ەكەن. رەسمي دەرەكتەرگە سۇيەنسەك، 70 000-نان استام تۇرعىنى بار بۇل قالادا حالىقتىڭ 58 %-ىن قازاقتار قۇرايدى. سول 58%-ىڭ قۇرامىنا كىرگەن تورەبايەۆتار وتباسىندا دۇنيە ەسىگىن اشقان مەيىرجان 2003 جىلى العاش رەت قازاق ەلىندەگى تۋىسقاندارىنا قوناققا كەلەدى. قازاقستاندى ۇناتىپ قالعان مەيىرجاننىڭ ەلگە كوشۋ تۋرالى ويى سول كەزدە پايدا بولىپتى. 2005 جىلى جوسپارىن جۇزەگە اسىرىپ، اتا-بابا جەرىنە قونىس اۋدارىپ، 2008 جىلى الماتىداعى ق.ساتبايەۆ اتىنداعى ۇلتتىق عىلىمي تەحنيكالىق ۋنيۆەرسيتەتىنىڭ ستۋدەنتى اتانادى. ۋنيۆەرسيتەت قابىرعاسىندا ءجۇرىپ، كوڭىلدى تاپقىرلار كلۋبىنىڭ (ءارى قاراي كتك-رەد.) مۇشەلىگىنە وتەدى. كتك-نىڭ ارقاسىندا الماتىنىڭ «پوليتەحىن» ارمانداعان جىگىت نتك ارناسىنان شىعاتىن «پاترۋل» سەريالىنىڭ باس كەيىپكەرى اتانىپ، ءبىر كۇننىڭ ىشىندە تانىمال بولىپ شىعادى. سودان بەرى جاستاردىڭ كۋميرىنە اينالىپ ۇلگەرگەن مەيىرجان وتكەن كۇندەرىن ەسكە الىپ، فيما يۆانوۆقا بالالىق شاعىنان سىرت شەرتىپتى.
«كتك تۋرالى العاش ەستىگەنىمدە، تاۋەكەلگە بارايىن با، بارمايىن با دەپ شەشىم قابىلداي الماي قينالدىم. سوسىن عانا ءبىر رەت باعىمدى سىناپ كورۋدى مىندەت دەپ سانادىم. الايدا كتك-داعىلار قازاق تىلىندە سويلەيتىن، قازاقشا قالجىڭمەن كۇلدىرە الاتىن بالالاردى ىزدەپ جاتىر ەكەن. بۇل ماعان ۇلكەن پروبلەما بولدى. سەبەبى مەن ءقازاقتىلدى ەمەسپىن. بىزدە بارلىق مەكتەپتەر ورىسشا ءبىلىم بەرەتىن، قازاق ءتىلدى مەكتەپ جالعىز بولاتىن. ونىڭ ءوزى قالانىڭ ورتاسىنان قاشىق جەردە ورنالاسقان ەدى. اتالمىش مەكتەپتە بۇزىقتار وقيتىن، ونى «قارعىس اتقان مەكتەپ» دەيتىنبىز. سول قازاقتار مەكتەپتەرىنە جەتۋ ءۇشىن ءبىزدىڭ اۋلامىزدان وتەتىن. كۇن سايىن ولاردىڭ كەلەتىن ۋاقىتتا ويىنشىقتارىمىزدى، زاتتارىمىزدى تىعاتىنبىز. سەبەبى ولار قاتتى سوققان داۋىلداي اۋلامىزدان وتە شىعاتىن. زاتىڭدى تىعىپ ۇلگەرمەسەڭ، قيراتىپ كەتەتىن. وزدەرىن ءشيبورى سەكىلدى ۇستايتىن»،–دەيدى تورەبايەۆ.
«ءجيى توبەلەسىپ قالاتىن با ەدىڭدەر؟» دەگەن ءجۋرناليستىڭ سۇراعىنا مەيىرجان «جوق، ولار توبەلەسۋگە جوق ەدى، تەك قيراتىپ كەتۋگە شەبەر بولاتىن» دەپ جاۋاپ بەردى.
40 مينۋتتىق سۇحباتتىڭ جەتىنشى مينۋتتارىندا وسىنداي ەستەلىكتەردى ايتىپ بەرگەن مەيىرجاننىڭ تانىمالدىلىعى ودان سايىن «ارتتى». الەۋمەتتىك جەلىدە «قازاقتى شيبورىگە تەڭەگەن ازىلكەش» دەگەن تاقىرىپپەن قىسقا ۆيدەو تەز تاراپ جاتىر. «بارلىق پالە – تىلدەن» ەكەنىن ۇققان تورەبايەۆ بۇگىن ءوز اتىنان تاعى ءبىر ۆيدەو جاريالادى. وندا ول تۇتاس قازاق حالقىنا ءتىل تيگىزبەگەنىن، تەك قازاق مەكتەبىندە وقيتىن بالالار جايلى ايتقانىن قاداپ ايتتى. «تۇيمەدەي نارسەنى تۇيەدەي قىلىپ كورسەتۋدىڭ قاجەتى جوق» دەپ ءسوز سويلەگەن تورەبايەۆ الايدا ءوز قازاعىنان كەشىرىم سۇرامادى.
مەيىرجاننىڭ «شيبورىلەر سياقتى» دەپ ايتقانى ءبىر توپ وقۋشىلارعا عانا قاتىستى ەكەنىن ۇعا الامىز. دەگەنمەن «قازاق-قازاق» دەپ زارلاماي، كىمگە ناقتى قاتىستى ەكەنىن ءبىلدىرىپ، اتىن اتاپ، ءتۇسىن تۇستەپ سويلەسە، وسىنشاما داۋ-داماي ورىن الماس ەدى. ءقازاقتىلدى ەمەستىگىن زور ماقتانىشپەن ايتقان مەيىرجاننىڭ ورىسشاعا دا شورقاق ەكەندىگىن بايقاۋ قيىن ەمەس. قايتا-قايتا ءتىلىن شايناپ سويلەگەن ءورىستىلدى مەيىرجاننىڭ سويلەۋ مانەرى، ءستيلى، سوزدىك قورى كورەرمەننىڭ سىنىنا قالدى. «قازاق-قازاق» دەپ زار قاقساعان مەيىرجان تورەبايەۆتىڭ پاتريوتتىلىعى كۇمان تۋعىزادى. كومسومولدىڭ 100 جىلدىعىنان ەندى عانا وز-وزىنە كەلىپ، ەس جيا باستاعان قازاققا مەيىرجانداي جاستاردىڭ اڭداماي سويلەپ، دۇشپانعا تابا قىلىپ، بالە-جالا شاقىرعاندارى كەزەكتى سوققى بولدى. زارافشاننان شىققان مەيىرجانعا اڭداماي سويلەگەننىڭ اۋىرماي ولەتىنىن ەسكە سالىپ، ءبىلىم بەرگەن، جۇمىس بەرگەن، ەڭ باستىسى وعان جارقىن بولاشاق سىيلاعان تۋعان جەرى قازاقستان جۇرتشىلىعىنان شالالىعى، بالالىعى ءۇشىن كەش بولسا دا كەشىرىم سۇراۋعا كەڭەس بەرەمىز. الدىنا كەلسە، اتاسىنىڭ قۇنىن كەشەتىن قازاقتان ۇلىق بولۋدىڭ قاجەتتىگى شامالى.
