ءۇي جەتى بولمەلى، قاتەلەسپەسەم. ءار بولمە تۋرالى ەگجەي-تەگجەيلى @balamendana-عا - "ۇلان" گازەتىنە جازدىق. ەكىنشى سۋرەت "اباي قاراعان اينادان". ۇشىنشىدە اباي اتامىزدىڭ پروتەز ءتىسى مەن جانىنان تاستاماعان كۇمىس ساعاتى.
ۇلى اقىننىڭ قولى تيگەن زاتتاردى كورىپ، ەموسياعا توويىپ قايتتىم.
قابىرعادان اباي اتامىزعا قىزمەت ەتكەن ءۇش كىسىنىڭ سۋرەتىن كوردىك. ولار: ەرلى-زايىپتى قاتپا مەن ماقىپ قورامجانوۆالار جانە مۇحتار باشەيەۆ. 1971 جىلى وسى مۇراجاي سالىنعاندا ماقىپ اپانىڭ كومەگىمەن قاي جەردە قانداي زاتتىڭ تۇرعانىن ءبىلىپ، ءبارىن ابايدىڭ كەزىندەي جاساپ قويعان. اباي اتامىزعا بەس جىل قىزمەت ەتىپ، ءشايىن قۇيىپ بەرگەن وسى ماقىپ اپا. ەستەلىگىندە بىلاي دەگەن ەكەن: «ابايدىڭ ومىراۋ تۇسىندا كۇمىس ساعاتى جۇرەتىن. وتىرعاندا كويلەگىن كيىپ وتىرادى. تىسقا شىققاندا كوستيۋمدەرىن كيەدى. سارى تونى بولدى. سونى يىعىنا جابامىز. اياعىنا ءماسىلى كالوش كيەدى. باسىنا دوڭگەلەك بورىك كيەدى. قىستا ساپتاما ەتىك كيەتىن. استى اسۇيدە ىشەتىن دە، قوناق كەلگەندە قوناق بولمەگە وتەتىن. سيىردىڭ ءسۇتىن ءپىسىرىپ، ماشيناعا تارتقىزىپ سونى ىشەدى. بىرەر ستاقان عانا ءشاي ىشەدى. ەتتەن ەكى-ۇش جاپىراق قانا جەيدى. ارتىنان ءحاھرىم دەيتىن ايراندى قوسىپ ازداپ سورپا ىشەتىن. باستارىنا ءبىر-بىر جاستىق بەرەمىز، سوعان قيساياتىن. ەركەجاننىڭ كيىمى كوپ ەدى. ءبىراق ۇيدە قاراپايىم كيىنەتىن. وقالاعان كامزولى ساندىقتا جاتاتىن.
ءۇيدىڭ ءاستى-ۇستى سارى تاقتاي بولاتىن. شوشالاعا قامىر يلەيمىز، ءبىر پىسىرگەندە ءبىر قاپ باۋىرساق پىسىرەتىنبىز. كىسى كوپ. نە كەرەك پىسىرگەنىمىز بىر-ەكى-اق كۇنگە جەتەتىن». مۋزەي سالىنىپ بىتكەن سوڭ ءبىر جىلدان كەيىن قايتىس بولعان ەكەن.
تاڭشولپان تولەگەن
