شىعىس قازاقستان وبلىسىندا ساپارلاپ جۇرگەنىمىزگە بۇگىن ءتورتىنشى كۇن. ءبىراق مەن فوتو دەگەندى ەندى سالىپ جاتىرمىن. مۇندا قالانىڭ ىشىندە بولماسا اۋىل اراسىندا تەلە2 ۇستامايدى. كۇنى بويى سىرتتى ارالاپ، قالاعا ءتۇن ورتاسىندا جەتەمىز. تەلەفونعا قارايتىن شاما جوق. ال فوتو مەن ەموسيا، كورگەن جەرلەر وتە كوپ. ال ءقازىر كاتونقاراعايدا تاۋدا جەلى جاقسى ۇستاپ جازبا سالايىن دەدىم. ءبىراق قايسىسىنان باستاپ، قايسىسىنان جالعاسىرارىمدى بىلمەي. ميىمدا حاۋس، كرچ:) سوندا دا العاشقى كۇننەن باستايىن. ەگەر بىرنارسەنى ۇمىتىپ، قايتا سالىپ جاتسام نە ستوريعا بىر-ەكى كۇن بۇرىنعى فوتولاردى سالسام قاراپ، "جاقسى ەكەن" دەپ وقىپ وتىرا بەرىڭىزدەر)) 1-كۇن
شىعىس قازاقستان مەن ءۇشىن كارتادان كورگەندەگىدەي ايدالاداااا قالعار، دامۋدان الىس ەلدى مەكەندەردەن تۇراتىنداي ەلەستەيتىن. وسى ۋاقىتقا دەيىن. شىعىستىق قۇربىلارىمنان ۇيات)) ال ءقازىر مۇنداعى تاۋ مەن تابيعاتتان سوڭ باسقا ەش جەردىڭ سۇلۋلىعى مەنى تاڭعالدىرمايتىنداي سەزىلەدى. بۇل جاقتا ءبارى ورىسشا سويلەيدى دەپ ويلايتىنمىن. ال ءقازىر تۋرا ءبىر شىمكەنتتە جۇرگەن سياقتىمىن:) الماتى مەن استانادان ءتورت جۋرناليست وسكەمەنگە 15 تامىزدا تۇستە جەتتىك. تاماقتانا سالىپ، ءبىزدى اتاقتى سىبە كولدەرىنە اپاردى. نەگىزى بەس سىبە كولدەرى بار ەكەن. ءبىز تورتىنشىسىنە دەمالىس ورنى ورنالاسقانىنا باردىق. كول كىشكەنتاي كورىنگەنىمەن وتە تەرەڭ ەكەن. ورتاسى 67 مەترگە دەيىن بارادى دەگەندى ەستىپ، ءتىپتى جاعاسىنا اياعىمدى شالپىلداتىپ وتىرۋعا دا قورىقتىم. جانىندا قامىردى كوپ ەتىپ كەسىپ، جابىسىپ قالادى-اۋ دەپ ويلاماي، ءبىر-بىرىنىڭ ۇستىنە قالاي بولسا سولاي قويا سالعانداي تاۋى بار ەكەن. سىرتىنان سۋرەتكە ءتۇسىپ كەتەتىن شىعارمىز دەپ ويلاعانمىن. سويتسەم ارنايى تەپەشەكتەر سالىپ تاستاپتى. ەندى ول جاقتان قاراعانداعى كورىنىستى فوتواپپاراتقا سىيعىزا المادىم. كوزىممەن كورگەنىما ىرزا بوپ قايتتىم.
سىبە كولدەرى ەرتىستىڭ سول جاعالاۋىنان اسا قاشىق ەمەس، قالبا تاۋلارىنىڭ قاتپار-قاتپار قۇيما تاستارىنان قالانعانداي جوتالارىنىڭ اراسىندا ورنالاسقان. تاۋ تابانىنداعى توستاعاندارداي بەس كول. قالماقتىڭ «سەبىن» سوزىنەن شىققان كول اتاۋىنىڭ تۇپ-توركىنى «سابىندى كول» دەگەندى بىلدىرەدى. شىنىندا سىبەنىڭ سۋى سابىنداي جۇمساق ءتيىپ، ءتان مەن جاندى سەرگىتەتىن كورىنەدى.
تولەگەن تاڭشولپان
