مينيستر مەن دەپۋتاتتار ادەبيەتتەن ءسوز جارىستىرىپ جاتقاندا، اكىمدەر ءوزى باسقارىپ وتىرعان ايماقتى ماقتاۋمەن الەك. عالامتورداعى كوز شالعان جاعداي بۇل. جاستار سوزىمەن ايتساق، چەللەندجدەر كوبەيدى. تاعى ءبىر قىزىق. استاناعا جاڭادان تاعايىندالعان اكىم كليپكە ءتۇسۋى مۇمكىن ەكەن. باقىت سۇلتانوۆقا مۇنداي ۇسىنىستى جاساعان كىم؟ بۇل تۋرالى ەۋرازيا ءبىرىنشى ارناسى حابارلايدى. 

بۇل ەلىمىزدىڭ ەڭ كوڭىلدى رەكتورى شىعار. پاۆلودارداعى جوعارى وقۋ ورنىن باسقاراتىن مارات باياندين الەۋمەتتىك جەلىلەردە "سكيبيدي چەللەندج" اتىمەن تانىمال ءبيدىڭ جەلىسىمەن ستۋدەنتتەردى ۇلىقتاۋ راسىمىنە شاقىرعان بولاتىن. "جاستارمەن ۇنەمى جۇمىس ىستەيتىندىكتەن ولارمەن ءبىر تولقىندا بولعىم كەلدى"،- دەيدى ءوزى.

«تاك، وتليچنو رازميالسيا. تەپەر، يا دۋمايۋ، موجنو سحوديت ي پوسموترەت پوسۆياششەنيە ستۋدەنتوۆ».

وقۋ ورنىن ەمەس، ءبۇتىن ءبىر ءوڭىردى باسقارىپ وتىرعان اكىمدەر شاڭداتا بيلەمەسە دە، وزىندىك چەللەندجگە قاتىسىپ ءجۇر. ەڭ ءبىرىنشى بولىپ شىمكەنت پەن استانانانىڭ بۇرىنعى اكىمى كورىندى. عابيدوللا ءابدىراحىموۆ شىمشاھاردى "زىڭ"، اسەت يسەكەشيەۆ ەلوردانى «سامايا ۆىشكا» دەپ اتاعانى ەستە.

- ءومىردى ءبىر-اق رەت ءسۇرۋ كەرەك، ونى قايدا ءسۇرۋ كەرەك، عابەكە؟  

- شىمكەنتتە. شىمكەنت زىڭ-زىڭ!

- اسەت ورەنتايەۆيچ، استانا قانداي؟  

- استانا -سامايا ۆىشكا!

ءۇشىنشى مەگاپوليس الماتىنىڭ اكىمىنە بەرىلگەن كەزەك ءالى جالعاسپاپتى. باۋىرجان بايبەكتەن جاۋاپ الماق بولعان ەرعازى ءازىمحان ۇلى اقىرى اكىمدىك تابالدىرىعىنان اتتاي الماي، قايتىپ كەتۋگە ءماجبۇر بولدى.

“وكىنىشتى، ارينە! مۇمكىن، بۇل كىسىلەردىڭ باسقا دا جۇمىستارى كوپ شىعار. مۇمكىن ءتيىننىڭ شارۋالارىمەن جۇرگەن شىعار. سول ءۇشىن ءبىز ەشتەڭە دەي المايمىز”

ەسەسىنە، اقتوبە وبلىسىنىڭ اكىمى بەردىبەك ساپاربايەۆ پەن تاراز قالاسىنىڭ باسشىسى عالىمجان ءابدىرايىموۆتان جاۋاپ الۋدىڭ ءساتى ءتۇسىپتى.

- اقتوبە وبلىسىن جانۋارعا تەڭەسەڭىز، قانداي جانۋارعا تەڭەيتىن ەدىڭىز؟  

- بارىسقا. اقتوبە بارىسقا ۇقسايدى. تۇرعان جەرى، جان-جاعى، حالقى.

- عالىمجان اعا، تاراز قالاسى قانداي ولەڭنىڭ سوزدەرىمەن سيپاتتايسىز؟  

- ولەڭدى نە قىلامىز، كينومەن كورسەتە بەرەيىك تە.  

- قانداي كينو؟  

- «دجەنتەلمەنى ۋداچي» «تام تەپلو، تام مويا ماما».  

- ال ولەڭمەن سيپاتتاساق شە سوندا دا.  

- وت-وت جانارىڭ!

اكىمدەردى وزگەشە سۇراقتارمەن مازالاپ جۇرگەن ەرعازى ازىمحانۇلىمەن تىلدەستىك. مىنبەردە وتىرعاندار دا قاراپايىم ادامدار ەكەنىنە كوز جەتكىزگىم كەلدى دەيدى ءوزى. كوبىنەسە قويىلعان ماقسات ءوزىن اقتاپ جاتقان كورىنەدى. كەلەسى جاۋاپ قىرىمبەك كوشەربايەۆتان سۇرالاتىن سەكىلدى. ال استاناعا جاقىندا تاعايىندالعان باقىت سۇلتانوۆ كليپكە ءتۇسۋى مۇمكىن ەكەن.

“جوسپاردا ءقازىر كىشكەنە سىزدەرگە ايتىپ قويايىن. ءبىر ولەڭ بار. حيت ولەڭ مىقتى. سول ولەڭنىڭ سوزدەرىن شامالاپ وزگەرتىپ، اكىمنىڭ جاڭا قازىرگى جۇمىسى قالاي بولىپ جاتقانى تۋرالى ينستاگرامدا كرەاتيۆتى كليپىمىزبەن جەتكىزگىمىز كەلىپ تۇر. ول كليپتە ءبىزدىڭ جاڭا اكىم باقىت سۇلتانوۆ تۇسەتىن بولادى» - دەيدى بلوگەر ەرعازى ءازىمحان ۇلى.

بيلىك باسىنداعىلاردان تاعى ءبىر چەللەندج. جاقىندا اقپارات جانە كوممۋنيكاسيالار ءمينيسترى ءوز پاراقشاسىندا ءبىر ۆيدەو جاريالادى. "تۇلپار ءمىنىپ، تۋ العان" اتتى ۇلتتىق جوبا اياسىندا داۋرەن ابايەۆ «الپامىس باتىر جىرىنان» ءۇزىندى وقىپ شىقتى.

«دالادا مەن وتىرمىن قۇرىپ ورمەك. جالعىزىمدى قاسىمدا قىلىپ ەرمەك. بالامدى مەنىڭ جالعىز ولتىرگەنشە، السايشى گۇلبارشىندى قۋ جۇگىرمەك» - دەيدى ق ر اقپارات جانە كوممۋنيكاسيالار ءمينيسترى داۋرەن ابايەۆ.

مينيستر جىر كەزەگىن دەپۋتات گەنناديي شيپوۆسكيحكە بەردى. حالىق قالاۋلىسى ءوزىن كوپ كۇتتىرمەدى. داستان وقۋدان كەندە ەمەس ەكەنىن كورسەتىپ قالدى.

“تالاي بالا قىرعانسىڭ. شەكتى دەگەن ەلىڭدە. سارىباي دەگەن باي ەدى. جالعاس قىزى گۇلبارشىن 15-تە تۋعان اي ەدى. جاسىڭنان ساعان ايتتىرعان گۇلبارشىن سۇلۋ جار ەدى. ال ەندى وسى ەستافەتانىڭ جالعاسىن ەلىمىزدىڭ باتىرى، ارىپتەسىم باقىتبەك سماعۇل اعامىزعا جولدايمىن» - دەيدى ق ر پارلامەنتى ءماجىلىسىنىڭ دەپۋتاتى گەنناديي شيپوۆسكيح.

مينيستر، دەپۋتاتتار وسىلايشا ەلدىڭ ادەبيەتكە دەگەن قىزىعۋشىلىعىن وياتقىسى كەلگەن سەكىلدى.