الماتى قالاسىنىڭ يۋۆەنالدىق پوليسيا قىزمەتكەرلەرى «دەمالىس» جەدەل الدىن-الۋ ءىس-شاراسىن وتكىزدى دەپ حابارلايدى Qamshy.kz اقپارات اگەنتتىگى الماتى قالاسى پد باسپا ءسوز قىزمەتىنە سىلتەمە جاساي وتىرىپ. ونىڭ ماقساتى – كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋعا جانە قاراۋسىزدىققا، تۇنگى ۋاقىتتا ويىن-ساۋىق مەكەمەلەرىندە جانە ۇيدەن تىس جەردە زاڭدى وكىلدەرسىز ءجۇرۋ، كامەلەnكە تولماعاندارعا ىشىمدىك جانە تەمەكى ساتۋ، سونداي-اق بالالاردى زاڭسىز قىزمەتكە تارتاتىن ەرەسەكتەردى انىقتاۋ.
«ينسپەكتورلار جاساعان جۇمىس بارىسىندا بالالار تۇنگى ۋاقىتتا كومپيۋتەرلىك كلۋبتاردا بولعاندارى انىقتالدى. كامەلەتكە تولماعان جاسوسپىرىمدەرگە الدىن-الا تالقىلاۋ جۇرگىزىلدى. ولاردىڭ اتا-انالارى ءىىب-نا شاقىرتىلدى. تۇنگى ويىن-ساۋىق مەكەمەلەرىندە كامەلەتكە تولماعانداردى ىزدەۋ ءىس-شاراسىنىڭ ەكى كۇندىك قورىتىندىسى بويىنشا 122 اتا-انا اكىمشىلىك جاۋاپكەرشىلىككە تارتىلدى. جاسوسپىرىمدەردى تۇنگى ۋاقىتتا مەكەمەگە كىرگىزگەن تاعى ءۇش كومپيۋتەرلىك كلۋبتىڭ باسشىلارىنا اكىمشىلىك ىس-ارەكەتتەر قولدانىلاتىن بولادى. مىسالى، الماتى قالاسىنىڭ بوستاندىق اۋدانىندا جەرگىلىكتى رەيدتەر كەزىندە تەك ءبىر تۇندە 12 اتا-انا انىقتالىپ، كەيىننەن جاۋاپقا تارتىلدى. ەكى كلۋبتىڭ اكىمشىلىگىنە 10-نان 50 اەك مولشەرىندە ايىپپۇل سالىندى»، - الماتى قالاسى ءىىد جەرگىلىكتى پوليسيا قىزمەتى يۋۆەنالدى پوليسيا ءبولىمىنىڭ باستىعى، پوليسيا پولكوۆنيگى لەيلا اليپبايەۆا.
جالپى العاندا، جپق دەرەكتەرى بويىنشا، ەكى كۇن ىشىندە 147 ءجاسوسپىرىم ءارتۇرلى قۇقىق بۇزۋشىلىقتار ءۇشىن ىشكى ىستەر ورگاندارىنا جەتكىزىلدى. ونىڭ 14ء-ى كامەلەتكە تولماعانداردىڭ بەيىمدەلۋ ورتالىعىنا ورنالاستىرىلدى. الدىن الا ەسەپكە 20 بالا جانە 17 قولايسىز وتباسى قويىلدى. سونداي-اق، بالالاردى تاربيەلەۋ بويىنشا مىندەتتەمەلەردى ورىنداماعانى ءۇشىن 11 اتا-انا ق ر اقبك-نىڭ 127 بابىنا سايكەس اكىمشىلىك جاۋاپكەرشىلىككە تارتۋ ماقساتىندا ماتەريالدار سوتقا جىبەرىلدى.
