كونفەرەنسياعا 300 دەلەگات قاتىستى، دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنە سۇيەنە وتىرىپ.

كونفەرەنسيا جۇمىسىنا «نۇر وتان» پارتياسىنىڭ حاتشىسى، پارتيا ساياسي كەڭەسىنىڭ مۇشەسى قانىبەك جۇماشيەۆ قاتىستى. پارتيا فيليالى ساياسي كەڭەسىنىڭ، باقىلاۋ-تەكسەرۋ كوميسسياسىنىڭ 2017-2018 جىلدارى اتقارعان جۇمىستارىنىڭ ەسەبى تىڭدالدى. سونىمەن قاتار، ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىنان تۋىندايتىن مىندەتتەر تالقىلاندى.

جيىندا قانىبەك جۇماشيەۆ «نۇر وتان» پارتياسىنىڭ «ۇزدىك باستاۋىش پارتيا ۇيىمى» رەسپۋبليكالىق بايقاۋىنىڭ اتىراۋلىق 12 جەڭىمپازىن ماراپاتتادى. 

-پارتيا ەلىمىزدىڭ ىشكى جانە سىرتقى ساياساتىنىڭ ورنىقتى بولۋىنا، ءوندىرىسىن وركەندەتىپ، اۋىلشارۋاشىلىعىن قارقىندى دامىتۋعا، شاعىن جانە ورتا كاسىپتىڭ قانات جايۋى مەن ەلىمىزدىڭ الەم ەلدەرى قاۋىمداستىعى اراسىنداعى بەدەلىن قالىپتاستىرۋعا ۇلكەن ىقپال ەتۋدە. ەلىمىزدىڭ عاسىرعا پاراپار قىسقا ۋاقىتتا الەۋمەتتىك-ەكونوميكالىق تۇرعىدان دامۋىنا جانە وسىپ-وركەندەۋىنە پارتيا مۇشەلەرىنىڭ قوسقان ۇلەسى زور،- دەپ اتاپ ءوتتى پارتيا حاتشىسى.

سونىمەن قاتار، كونفەرەنسيادا پارتيانىڭ ساياسي كەڭەس قۇرامى مەن باقىلاۋ-تەكسەرۋ كوميسسياسى قۇرامى سايلاندى.

وبلىس اكىمى نۇرلان نوعايەۆ ءوز بايانداماسىندا وبلىستا پارتيا اتقارىپ جاتىرعان جۇمىستارعا توقتالىپ ءوتتى.

-بۇگىندە قازاقستان رەسپۋبليكاسى پرەزيدەنتىنىڭ بەس الەۋمەتتىك باستاماسىنىڭ ىسكە اسىرىلۋىن باقىلاۋ جونىندەگى اتىراۋ وبلىستىق قوعامدىق كەڭەسى قۇرىلىپ، ءبىرىنشى - ءتورتىنشى باستامالارى بويىنشا ءتيىستى ورگاندارعا 23 ۇسىنىستار ازىرلەنىپ، ورىندالىسى تۇراقتى باقىلاۋعا الىندى،- دەيدى ايماق باسشىسى.

اتىراۋدا جاڭعىرۋ جۇمىستارىنىڭ نەگىزگى وزەگى – پارتيالىق كادرلاردى دايارلاۋدا پوليتولوگيالىق ءبىلىم ەرەكشە نازارعا الىنىپ، وڭىرلەر بويىنشا العاشقى جانە ازىرگە دارا «ساياساتتانۋشىلار ورتالىعى» قۇرىلدى. ورتالىق ارقىلى ساراپتاما جۇرگىزىلىپ، يدەولوگيالىق قىزمەت باعىتتارى مەن مەتوديكالىق ماتەريالدار ناقتىلاندى.

سونىمەن قاتار، وبلىستا جاڭا باستاماشىل پارتيالىق جوبالار اياسىندا «بىرلىك» بپۇ-ىنىڭ قولداۋىمەن «ءىت-ماماندارىن دايارلاۋ ورتالىعى» قۇرىلدى جانە وبلىس بويىنشا 10 «IT-سىنىبى» بويىنشا 752 بالا باعدارلامالاۋ مەن روبوتوتەحنيكا ءدارىسىن مەڭگەرۋدە.

جاستار ماسەلەسى پارتيانىڭ باستى نازارىندا. پارتيا ءتوراعاسىنىڭ تاپسىرماسىنا سايكەس، مەكتەپ تۇلەكتەرىن بپۇ-دارى ارقىلى جۇمىسپەن قامتۋ جانە وقۋعا تارتۋ شارالارى جۇرگىزىلدى. مەموراندۋمدار اياسىندا «APEC Petrotechnic» جوعارى تەحنيكالىق كوللەدجىنە 350 جاس قابىلدانسا، «جالىن»، «ارناۋلى اۆتوبازا»، «كاسپيي-بالىق» وندىرىستىك كووپەراتيۆى بپۇ-دارىمەن 120-دان اسا تۇلەك جۇمىسقا قابىلداندى.

-پارتيانىڭ مودەرنيزاسياسى ءاربىر ازاماتقا، ولاردىڭ جەتىستىكتەرگە جەتۋىنە جاردەمدەسەدى جانە ەلىمىزدىڭ ءۇشىنشى جاڭعىرۋىنىڭ داۋىرلىك مىندەتتەرىن شەشۋگە سەپتىگىن تيگىزەدى. ەلباسى ايقىنداپ بەرگەن ناقتى ستراتەگيالىق مىندەتتەر بار. ستراتەگيالىق ماقساتتاردى پرەزيدەنت بەلگىلەيدى، بۇل ءار «نۇر وتان» پارتياسىنىڭ مۇشەسىنە اۋقىمدى ماقساتتار مەن جاۋاپكەرشىلىك جۇكتەيدى. پارتيا ءتوراعاسىنىڭ تاپسىرمالارىن تابىستى جۇزەگە اسىرۋ ءۇشىن ءبارىمىز جۇمىلىپ، ورتاق ماقساتتارعا بىرگە جەتۋىمىز قاجەت،-دەدى وبلىس اكىمى نۇرلان نوعايەۆ.