قازىرگى ۋاقىتتا 120 جاڭا جاشىكتەر قالاعا اكەلىنىپ، ورناتۋعا دايىندالۋدا دەپ حابارلايدى  Qamshy.kz اقپارات اگەنتتىگى اتىراۋ قالاسى اكىمدىگىنىڭ باسپا ءسوز قىزمەتىنە سۇيەنە وتىرىپ.
وسىلايشا، وبلىس ورتالىعىندا عانا ەمەس، قالا ماڭىنداعى اۋىلدىق وكرۋگتەردە دە قوقىس الاڭدارىنىڭ بولماۋ ماسەلەسى شەشىلمەك.
"ارناۋلى اۆتوبازا" ج ش س باسشىلىعىنىڭ ايتۋىنشا، قازىرگى ۋاقىتتا قالادا 700 الاڭدا 3600 قوقىس جاشىكتەرى ورناتىلعان. كۇن سايىن قوقىس پوليگونىنا ەكى اۋىسىمدا 300 تونناعا دەيىن قوقىس تاسىلادى. 
- اتىراۋ قالاسىنىڭ اكىمدىگى 222 جاڭا ەۋرو ستاندارتتى قوقىس جاشىكتەرىن ساتىپ الدى، بۇگىن ولاردىڭ 120-ى قالاعا اكەلىندى جانە ورناتۋعا دايىندىق ءجۇرىپ جاتىر، ال قالعان 102 جاشىك وسى اپتانىڭ سوڭىنا دەيىن قابىلدانادى. ءبىز ولاردى وبلىس ورتالىعىنىڭ ورتالىق كوشەلەرىندە ورناتۋدى جوسپارلاپ وتىرمىز. ەسكى قوقىس جاشىكتەرى جوندەلىپ، قالا ماڭىنداعى اۋىلدىق وكرۋگتەرگە ورناتىلدى، - دەپ مالىمدەدى «ارناۋلى اۆتوبازا» ج ش س ديرەكتورى الماس ىزتىلەۋوۆ.
اتىراۋ قالاسىن سانيتارلىق تازالاۋمەن اينالىساتىن كاسىپورىن «ارناۋدى اۆتوبازا» جشس-دە 280 قىزمەتكەر جۇمىس جاسايدى جانە تەڭگەرىمدە 150 ارنايى تەحنيكا بار، ونىڭ 50ء-ى قاتتى تۇرمىستىق قالدىقتاردى جيناۋمەن جانە شىعارۋمەن اينالىسادى.