بۇگىن وبلىس اكىمى، «نۇر وتان» پارتياسى سقوف ءتوراعاسى قۇمار اقساقالوۆ جانە پارتيا حاتشىسى يليا تەرەنچەنكو XXVIII ەسەپتىك-سايلاۋ كونفەرەنسياسىنا قاتىستى.
كونفەرەنسيا بارىسىندا، پارتيانىڭ جەرگىلىكتى فيليالىنىڭ اتقارعان جۇمىستارى مەن «نۇر وتان» پارتياسىنىڭ قۇجاتتارىندا بەكىتىلگەن باعدارلامالاردىڭ ورىندالۋى ءارى «جاستار جىلى» اياسىندا جاستار ساياساتىنىڭ دامۋ باعىتى تالقىلاندى.
پارتيانىڭ وبلىستىق فيليالىنىڭ باسشىسى قۇمار اقساقالوۆ «نۇر وتان» پارتياسىنىڭ سايلاۋ الدى پلاتفورماسىن جۇزەگە اسىرۋ جونىندەگى جۇمىستارعا بەلسەنە ارالاسۋدى تاپسىردى. سونىمەن قاتار، پارتياشىلدارعا ەلباسىنىڭ بەس الەۋمەتتىك باستاماسىنىڭ جۇزەگە اسىرىلۋىن جانە مەملەكەت باسشىسىنىڭ «قازاقستاندىقتاردىڭ الەۋمەتتىك جاعدايىن جاقسارتۋ: تابىس پەن ءومىر ساپاسىن ۇلعايتۋ» اتتى جولداۋىنىڭ ورىندالۋىن باقىلاۋعا الۋ تاپسىرىلدى. ءوڭىر تۇرعىندارى وبلىستاعى، ءتىپتى مەملەكەتتەگى بولىپ جاتقان جاڭالىقتار مەن وزگەرىستەردەن حاباردار بولىپ وتىرۋى ءتيىس.
«نۇر وتان» پارتياسىنىڭ سايلاۋ الدى پلاتفورماسىنىڭ نەگىزىندە نە جاسالدى، نە جاسالادى – وسى سۇراقتاردىڭ جاۋابىن پارتيا مۇشەلەرى ايقىنداپ، حالىقتى حاباردار ەتىپ وتىرۋى ءتيىس. بۇل ءار ءتۇرلى دارەجەدەگى ءماسليحات دەپۋتاتتارىنا دا تىكەلەي قاتىستى. بەس الەۋمەتتىك باستامانىڭ جانە نۇرسۇلتان ءابىش ۇلى نازاربايەۆتىڭ حالىققا جولداۋىنىڭ ورىندالۋى باقىلاۋدا بولادى. ءدال قازىرگى ۋاقىتتا ءبىزدىڭ الدىمىزداعى باستى مىندەت – ءتۇسىندىرۋ مەن باقىلاۋ. اۋىلدى ايماقتاردا، وڭىردە نە ىستەي الامىز، الدىمەن وسىنى ءتۇسىنىپ الۋىمىز شارت»، - دەدى وبلىس اكىمى.
بۇعان قوسا قۇمار اقساقالوۆ پارتيا قۇرامىنا ازاماتتاردى كۇشتەپ كىرگىزبەۋ كەرەكتىگىن ەسكەرتتى. تۇرعىندار، جاستار پارتيانىڭ بەلسەندى، كوڭىلدى ءارى پايدالى ومىرىنەن حاباردار بولسا، وزدەرى-اق اعىلىپ كەلەتىن بولادى.
«ماسەلەن، «قىزىلجار سۋ» كاسىپورنىندا مىڭعا جۋىق جۇمىسكەر بار، ولاردىڭ 350ء-ى پارتيانىڭ قۇرامىندا. بارلىق جۇمىسشىنىڭ پارتيا مۇشەسى بولۋى مىندەتتى ەمەس. ەگەر قانداي دا ءبىر جۇمىس ورنىندا وسىنداي جاعداي بولىپ جاتسا، مۇنىڭ دۇرىس ەمەس ەكەنىن ايتقىم كەلەدى. كەرىسىنشە، پارتيانىڭ بەلسەندى مۇشەلەرى پارتيا ساياساتىن كاسىپورىننىڭ وزگە جۇمىسشىلارىنا ءتۇسىندىرۋ كەرەك. مۇنداي جۇمىس ءونىمدى بولادى»، - دەپ ءسوزىن قورىتىندىلادى قۇمار اقساقالوۆ.
