قازاقستان حالقى اسسامبلەياسىنىڭ باستاماسىمەن ەلىمىزدىڭ بارلىق وڭىرىندە «مەن قازاقشا سويلەيمىن» اتتى اكسيا باستالدى، دەپ حابارلايدى Qamshy.kz اقپارات اگەنتتىگى. 

بورودۋليحا اۋدانىنىڭ تىلدەردى دامىتۋ باسقارماسى مەن شىعىس قازاقستان وبلىسىنداعى قازاقستان حالقى اسسامبلەياسى بىرلەسىپ «قازاقستاننىڭ بولاشاعى – قازاق تىلىندە» اتتى كونكۋرستى باستاپ، مەملەكەتتىك ءتىلدىڭ مەرەيىن ۇستەم ەتۋ جولىندا بىرنەشە ءىس-شارا ۇيىمداستىردى.

كونكۋرستىڭ سالتاناتتى اشىلۋ ءراسىمى مادەنيەت ۇيىندە ءوتتى. وعان شىعىس قازاقستان وبلىسىنداعى قازاقستان حالقى اسسامبلەياسىنىڭ سەكرەتاريات مەڭگەرۋشىسى اسقار نۇرعازييەۆ پەن «نۇر وتان» پارتياسىنىڭ بورودۋليحا اۋدانىنداعى بولىمشەسىنىڭ ءتوراعاسى ساۋلە ۋراشيەۆا قاتىستى.

ريددەر، وسكەمەن، كۋرچاتوۆ جاستارى ينتەللەكتۋالدىق شوۋىندا قازاق ءتىلىن ەركىن مەڭگەرگەنىن كورسەتتى. بايگە 3 بولىمنەن تۇردى. قازىلار القاسىنا شەشىم قابىلداۋ قيىنعا سوقتى. سەبەبى بۇل بايگەدە بارلىق قاتىسۋشىلار مەملەكەتتىك ءتىلدى ەركىن مەڭگەرگەندەرىن كورسەتە ءبىلدى.

شەمونايحا اۋدانى تۇرعىنى ەلەنا پيكۋنوۆا ءۇشىنشى ورىن الدى. ەكىنشى ورىندى ەكاتەرينا بەيسەمبايەۆا الدى. ول دا شەمونايحا اۋدانى تۇرعىنى. ينديرا بەلسكايا ءۇشىنشى ورىندى قانجىعاسىنا بايلادى. قازىلار القاسى ءبىر اۋىزدان گران-پريدى انگەلينا بۋبنوۆوعا بەردى. انگەلينا وسكەمەندەگى كوللەدجدەردىڭ بىرىندە وقيدى.

اتالمىش بايگەمەن قاتار مەملەكەتتىك ورگاندار مەن اكسيا قاتىسۋشىلارىنا «انا ءتىلى – جۇرەك ءۇنى» اتتى قازاق تىلىنەن ساباق وتكىزىلدى.

«مەن قازاقشا سويلەيمىن» اكسياسى مادەنيەت ۇيىندەگى كونسەرتپەن اياقتالدى. اكسيانىڭ سالتاناتتى جابىلۋ سالتاناتىندا ۇزدىك قاتىسۋشىلار ماراپاتتالدى.