«اق جول» فراكسياسى پرەزيدەنتتىڭ جولداۋىنا سۇيەنە وتىرىپ، ۇكىمەتكە «بيزنەستىڭ جول كارتاسى» قۇرالدارىن كەڭەيتۋدى ۇسىنادى. وندا جاڭا قۇرىلعىلاردىڭ، تاريفتەردىڭ باعاسىن سۋبسيديالاۋ كىرمەك. ازات پەرۋاشيەۆ وسىنداي مازمۇنداعى حاتتى پرەمەر-مينيستر باقىتجان ساعىنتايەۆقا جولدادى.

ماسەلە پرەزيدەنتتىڭ بۇعان دەيىنگى جولداۋىنداعى «بيزنەستىڭ جول كارتاسى» باعدارلاماسى اياسىندا بولىپ وتىر.

«اق جول» فراكسياسىنىڭ مالىمدەۋىنشە، با باعدارلامانىڭ ىشىندە ءدال وسى «بيزنەستىڭ جول كارتاسى» ءتيىمدى ءارى بيزنەس سالاسىندا سۇرانىستى تالاپ ەتەدى. فراكسيا دەپۋتاتتارىنا اتالمىش باعدارلامانى قارجىلاندىرۋ اياسىن كەڭەيتۋدى ۇسىنىپ ءوتىنىش جاساعانداردىڭ قاتارى كوپ بولعان. ال 3 قاڭتاردا «بيزنەستىڭ جول كارتاسى» باعدارلاماسىن قارجىلاندىرۋ پروسەسى توقتاپ قالعان. وسىعان وراي دەپۋتاتتار باعدارلامانى قارجىلاندىرۋدى 13 ميلليارد تەڭگەگە ۇلعايتۋدى ۇسىندى.

«سول سەبەپتى قوسىمشا بەسجىلدىق پەن باعدارلامانى قارجىلاندىرۋ جوسپارى پرەزيدەنتكە ەڭ وڭتايلى تاسىلمەن جەتكىزىلدى. نۇرسۇلتان نازاربايەۆ تا بۇل ماسەلەگە بەي-جاي قارامايتىنى انىق، ىسكەرلىك تۇرعىدان باعدارلاماعا جىلىنا 30 ميلليارد تەڭگە ءبولىپ، 22 مىڭ جاڭا جۇمىس ورنى قۇرىلادى، مەملەكەتكە اجەپتەۋىر تابىس كەلەتىن بولادى»، - دەلىنگەن حاتتا.

بۇعان قوسا «اقجولدىقتار» باعدارلاماعا قاتىستى قۇرالداردى، جالپى جوعارىدا اتالعان بيزنەستىڭ نەسيەلەرىن سۋبسيديالاۋدى قىسقارتۋ تۋرالى مەملەكەتتىك ورگانداردىڭ ۇسىنىسىنا الاڭداۋشىلىق تانىتىپ وتىر.

«ءبىز شەنەۋنىكتەردىڭ كاسىپكەرلىك تۇرعىسىنىڭ تۇسىنىسپەۋشىلىكتەرىنەن تۋعان ۇسىنىستاردىڭ قابىلدانباۋى ءۇشىن مۇنداي فاكتىلەرگە تاپ بولماۋدىڭ جولدارىن قاراستىرامىز. «اق جول» پارتياسى ەلباسىنىڭ جولداۋىنا سۇيەنە وتىرىپ، كەرىسىنشە، ۇكىمەتكە «بيزنەستىڭ جول كارتاسىنىڭ» قۇرالدارىن كەڭەيتۋ تۋرالى ۇسىنىس تاستايدى» ، - دەدى ازات پەرۋاشيەۆ جۋرناليستەرگە بەرگەن سۇحباتىندا. ونىڭ ويىنشا، بانك نەسيەلەرىن ەمەس، كاسىپورىندى مودەرنيزاسيالاۋ ءۇشىن قاجەتتى تەحنيكا مەن جابدىقتاردىڭ سۋبسيديالاعان الدەقايدا ءتيىمدى.

سونىمەن قاتار فراكسيا باسشىسى شەتەلدىك بيزنەسكە «ۇشىپ جاتقان» اقشانى سىنادى. 2017 جىلى 23 قازانداعى بيۋدجەتتى تالقىلاعاندا ءبىزدىڭ ىشكى نارىقتان شەتەلگە 40 ميلليارد دوللار كەتكەن ەكەن. ال پەرۋاشيەۆ سول قارجىنى مەملەكەتكە قولداۋ رەتىندە قازاقستاندىق كاسىپورىندارعا، كاسىپكەرلەرگە ءبولۋدى تاپسىردى.

مەملەكەت باسشىسىنىڭ جولداۋىنىڭ ءوزى وسى ماسەلەنى شەشۋگە شاقىرادى. اياق كيىم، ءتىس ششەتكاسى، مەكتەپكە قاجەتتى قالام-قارىنداشتار سىندى قاراپايىم زاتتاردى ءوندىرۋ ارقىلى ءار قالا مەن اۋدان ورتالىقتارىنداعى شەبەرحانالار مەن سەحتەردە بار جابدىقتار مەن باستاپقى كىشىگىرىم كاپيتالدى رەتتەۋگە مۇمكىندىك تۋادى.

«بيزنەستى دامىتۋدىڭ باستى باعىتىنىڭ ءبىرى لوگيستيكاعا كوپ كوڭىل ءبولۋ»، - دەدى «اق جول» باسشىسى.

وسىعان بايلانىستى ەلباسىنىڭ جولداۋىندا مونوپوليستەردىڭ شىنايى تاريفتەرىنە دە كوڭىل ءبولۋ كەرەكتىگى تۋرالى ايتىلعاندىعىن ەسكەرتتى. اۋىل شارۋاشىلىعى سالاسىنداعى جىلىداي باسشىلارى دا، ءوندىرىس كاسىپورىندارىنىڭ باسشىلارى تاراپىنان دا فراكسياعا تاريفتەرگە قاتىستى ارىز تۇسىرگەندەر كوپ بولدى. ونىڭ ۇستىنە مۇنداي تاريفتەردى سۋبسيديالاۋدى كورشىلەرىمىز بۇدان بۇرىن-اق باستاپ كەتكەن، بۇل پروسەسس ءوندىرىستىڭ دامۋىنا سەپتىگىن تيگىزدى.

حاتتا بەلگىلەنگەندەي، جولداۋداعى تالاپقا سايكەس، «بيزنەستىڭ جول كارتاسى» اياسىندا حالىقارالىق فرانشيزانى ۇلتتىق قولدانىستاعى تاۋارلاردى ءوندىرۋ برەندىنە پايدالانۋ كەرەك. ازات پەرۋاشيەۆ ەۋروپالىق ەلدەردىڭ مىسالىندا مەملەكەتتىك قولداۋدى ۇسىناتىن جەتەكشى حالىقارالىق فرانشيزالاردىڭ ءتىزىمىن بەكىتۋ ءۇشىن ۇكىمەتكە ۇسىنىس جاسادى. مۇنداي ۇسىنىستى دەپۋتات 2017 جىلدىڭ 1 اقپانىندا جىبەرگەن.

فراكسيا، جوعارىداعى پوزيسيالاردىڭ پرەزيدەنتتىڭ جولاۋىنا سايكەس، «بيزنەستىڭ جول كارتاسى – 2025» باعدارلاماسىن جۇزەگە اسىرۋدا پايداسى تيەدى دەپ ۇمىتتەنەدى.