وسىدان بىرنەشە كۇن بۇرىن گرۋزيادا پرەزيدەنتتىك سايلاۋدىڭ قورىتىندىسى شىققانى بەلگىلى.  «گرۋزين ارمانى» پارتياسىنىڭ اتىنان سىنعا تۇسكەن سالومە زۋرابيشۆيليدەن كەيىنگى ورىندى العان  گريگول ۆاشادزە «ەگەر پرەزيدەنت بولسا، ميحايل سااكاشۆيليدىڭ ەلدە ەركىن جۇرۋىنە رۇقسات بەرەتىنىن» ايتقان.

30 قاراشا كۇنى ەل استاناسىنا كەلىپ، ءوزىنىڭ وپپوزيسيالىق جاقتاستارىنا قولداۋ كورسەتكىسى كەلگەن ميحايل سااكاشۆيلي الايدا ەشكىمنىڭ الدىنا بارمايتىنىن ءمالىم ەتتى.

–مەن قازىرگى پرەزيدەنت مارگۆەلاشۆيليدىڭ دە الدىنا بارىپ تىزە بۇكپەيمىن. ەشكىمنەن دە كەشىرىم سۇرامايمىن، ەگەر سايلاۋعا ءتۇسىپ جاتقان وپپوزيسيانىڭ كاندايداتى ۆاشادزە پرەزيدەنت بولسا دا، ونىڭ الدىنا بارمايمىن. مەن زاڭدى جولمەن ءوز قۇقىمدى قورعاعىم كەلەدى. مۇمكىن، قازىرگى بيلىك مەنى بىرەۋمەن شاتاستىرىپ جۇرگەن بولار. گرۋزيادان كەتەردە ەشتەڭەنى الىپ كەتكەن جوقپىن، بارلىعىن دا پرەزيدەنت كىتاپحاناسىنا  تاپسىرىپ كەتتىم. سوندىقتان قورقاتىن دانەڭەم جوق.

♦سااكاشۆيلي گرۋزياعا قايتا ورالدى. ەندى ەل تاعى بۇلىنە مە؟ (ۆيدەو)

مەنىڭ ويىمشا، بۇرىنعى سوتتالعان شەنەۋنىكتەردىڭ بارلىعى دا بوستاندىققا شىعۋى قاجەت. ءبىراق ولاردىڭ ساياساتقا قايتا ورالعانىن قالامايمىن. ويتكەنى ولار دەنساۋلىعىن تۇزەگەنى ابزال. ال ساياساتقا ادال ادامداردىڭ كەلگەنى دۇرىس. بارلىعى دا «ۇلتشىلدار بيلىككە كەلەدى» دەپ جاتىر. مەنىڭ ويىمشا، تازا ادامداردىڭ كەلگەنى ءجون.

مەن گرۋزياعا ورالعانىممەن، قانداي ءبىر لاۋازىمعا تالاسپايمىن. ءبىراق ءوز پىكىرىمدى اشىق ايتامىن، ەشكىم دە مەنى قورقىتا المايدى»،– دەدى گرۋزيانىڭ بۇرىنعى پرەزيدەنتى ميحايل سااكاشۆيلي.

سااكاشۆيليدىڭ بۇلاي دەۋىنىڭ ءجونى بار. ويتكەنى  قازىرگى بيلىك «جەمقورلىققا قاتىسى بار» دەپ وعان ايىپ تاققانى بەلگىلى. سوندىقتان ەكس-پرەزيدەنت الداعى سايلاۋدان كەيىن بيلىككە جاڭا ادامدار كەلسە، ءوزىن اقتاپ العىسى كەلەتىنىن ايتىپ وتىر.

♦نازاربايەۆ سااكاشۆيليدىڭ قولىنا قامشى ۇستاتا ما؟

ەسكەرتە كەتەتىن ءبىر جايت، ەلدىڭ جەتەكشى پارتياسى «گرۋزين ارمانى» پارتياسى قولداپ وتىرعان سالومە ءزۋرابيشۆيليدىڭ 38،64 پايىز داۋىس العانى بەلگىلى. ال وپپوزيسيانىڭ اتىنان تۇسكەن گريگول ۆاشادزەگە حالىقتىڭ  — 37،74 پايىزى داۋىس بەردى. ەندى ەكىنشى تۋردىڭ سايلاۋى 2 جەلتوقسان كۇنى وتەتىن بولدى.