قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى شايسۇلتان شاياحمەتوۆ اتىنداعى «Til-Qazyna» ۇلتتىق عىلىمي-پراكتيكالىق ورتالىعى ق ر ۇلتتىق اكادەميالىق كىتاپحاناسىندا «ءتىل-قازىنا» رەسپۋبليكالىق اقپاراتتىق-تانىمدىق گازەتىنىڭ تۇساۋكەسەرىن وتكىزدى، دەپ حابارلايدى Qamshy.kz اقپارات اگەنتتىگى.   

ەلىمىزدە ق ر پرەزيدەنتى ن.ءا.نازاربايەۆتىڭ 19 اقپانداعى №637 جارلىعىندا بەكىتىلگەن لاتىن نەگىزدى قازاق ءالىپبيىن ناسيحاتتايتىن جانە جاڭا الىپبيگە قاتىستى اقپاراتپەن، تانىمدىق ماتەريالدارمەن بولىسەتىن جاڭا الىپبيدە جارىق كورىپ وتىرعان تۇڭعىش باسىلىم – «Til-Qazyna» رەسپۋبليكالىق اقپاراتتىق تانىمدىق گازەتىن قالىڭ وقىرمانعا تانىستىردى. ايىنا ەكى رەت جاريالاناتىن گازەتتىڭ مازمۇنىن، ونىڭ جاڭا الىپبيگە كوشۋ كەزەڭىندەگى ماڭىزىن ءتۇسىندىردى.

«Til-Qazyna» رەسپۋبليكالىق اقپاراتتىق تانىمدىق گازەتى ا3 فورماتىندا شىعادى. گازەت 8 بەتتەن تۇرادى.

شارا بارىسىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ارنايى قاتىسىپ، گازەت ۇجىمىن جانە ۇيىمداستىرۋشىلاردى قۇتتىقتادى. سونىمەن قاتار عالىمدار مىرزاتاي جولداسبەكوۆ، سۇلتان ورازالين، جازۋشى تولەن ابدىك، قوعامعا تانىمال ازاماتتار ەرلان سايىروۆ، مۇحتار تايجان سىندى زيالى قاۋىم وكىلدەرى قاتىسىپ، قۇتتىقتاۋ ءسوزىن سويلەدى. گازەتتىڭ الداعى ۋاقىتتاعى باعىتى تالقىلانىپ، بۇگىنگى قوعامنىڭ كۇن تارتىبىندە تۇرعان ەملە ماسەلەلەرى جايىندا ۇسىنىس-پىكىرلەر تىڭدالدى. العاشقىدا گازەت ايىنا ەكى مارتە 3 مىڭ تيراجبەن شىعادى. وقىرمان گازەتتىڭ ونلاين نۇسقاسىن ش. شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ رەسمي سايتىندا وقي الادى.

گازەت تانىستىرىلىمى بارىسىندا وتكەن عاسىردا لاتىن الىپبيىندە جارىق كورگەن قازاق باسىلىمدارىنىڭ تاريحىنا شولۋ جاسالىپ، لاتىن گرافيكاسىنداعى قازاق ءتىلى الىپبيىنە كوشۋ كەزەڭدەرىندە جۇرگىزىلىپ جاتقان جۇمىستار بارىسى پىسىقتالدى.

شاراعا ق ر پارلامەنتى ءماجىلىسىنىڭ دەپۋتاتتارى، زيالى قاۋىم وكىلدەرى، مينيسترلىك قىزمەتكەرلەرى، ءتىلتانۋشى عالىمدار جانە ب ا ق وكىلدەرى قاتىستى.