1 قازاندا پولشادا زەينەتكە شىعۋ جاسىن 7 جىلعا قىسقارتۋ تۋرالى زاڭ قابىلداندى، دەپ حابارلايدى Qamshy.kz اقپارات اگەنتتىگى inforesist.org-قا سىلتەمە جاساپ. ەندى پولشادا ەر ادامدار 65 جاسىندا، ايەلدەر 60 جاسىندا زەينەتكە شىعادى. وسىلايشا ۇكىمەت دونالد تۋسكانىڭ 2012 جىلعى زەينەتكەرلىك جاسقا قاتىستى رەفورماسىن جويدى.
ەۋروپا تاجىريبەسىنە سۇيەنە وتىرىپ زەينەتكە شىعۋ جاسىن ۇزارتقان قازاقستان ۇكىمەتى پولشانىڭ وسى ءبىر ارەكەتىن ەسەپكە السا ەكەن دەگەن تىلەك بار.
«پولشا ۇكىمەتى پولياكتارعا تاڭداۋ قۇقىعىن بەرىپ وتىر. ەگەر بىرەۋ ۇزاعىراق جۇمىس ىستەگىسى كەلسە، مارحابات. زەينەت جاسىن ەر ادامدار ءۇشىن 67-دەن 65-كە، ايەلدەرگە 67-دەن 60-قا قىسقارتا وتىرىپ، جەرلەستەرىمىزگە تاڭداۋ بەرىپ وتىرمىز»، - دەيدى پولشا ۇكىمەتىنىڭ باسشىسى بەاتا شيدلو.
ونىڭ سوزىنشە زەينەتاقى جاسىن بۇرىنعى مەجەگە قايتا بەلگىلەۋ ءۇشىن ەل بيۋدجەتىندە قارجى جەتكىلىكتى. پولشانىڭ الەۋمەتتىك ساقتاندىرۋ قورى (ZUS) بانكروتقا ۇشىرامايدى. وندا قارجى جەتكىلىكتى.
شيدلو «قۇقىق جانە ادىلدىك» (PiS) پارتياسىنىڭ 2015 جىلى سايلاۋدا «زەينەتاقى جاسىن قىسقارتامىز» دەپ بەرگەن ۋادەسىن ورىنداعانىن جەتكىزدى. ونىڭ سوزىنشە، 2012 جىلى زەينەتاقى جاسىنا قاتىستى قابىلدانعان رەفورما پولياكتاردى ولە ولگەنشە ەڭبەككە جەگىپ قويدى.
پولشانىڭ ۆيسە-پرەمەر-مينيسترى مەن دامۋ ءمينيسترى ماتەۋش موراۆەسكييدىڭ مالىمەتىنشە، 2018 جىلى زەينەتكە شىعۋ جاسىن قىسقارتۋ ءۇشىن ەل بيۋدجەتىنە 10 ميلليارد التىن (2،7 ميلليارد دوللاردان استام) قۇيىلدى. پولشادا 2019 جىلى 330 مىڭ ادام زەينەتكە شىعادى.
ايتا كەتەيىك، قازاقستاندا دا زەينەتكە شىعۋ جاسى ۇزارتىلعان بولاتىن، 2018 جىلى ەر ادامدار 63 جاسىندا، ال ايەلدەر 58،5 جاسىندا شىعۋ كەرەك. 2027 جىلعا دەيىن 63 جاسقا جەتكەنشە زەينەتاقى جاسى جىلدا جارتى جىلعا ۇزارتىلىپ وتىر.
- 2018 جىلدىڭ1 قاڭتارىنا دەيىن – 58،5 جاس؛
- 2019 جىلدىڭ 1 قاڭتارىنا دەيىن – 59 جاس؛
- 2020 جىلدىڭ 1 قاڭتارىنا دەيىن – 59،5 جاس؛
- 2021 2019 جىلدىڭ 1 قاڭتارىنا دەيىن – 60 جاس؛
- 2022 جىلدىڭ 1 قاڭتارىنا دەيىن – 60،5 جاس؛
- 2023 جىلدىڭ 1 قاڭتارىنا دەيىن – 61 جاس؛
- 2024 جىلدىڭ 1 قاڭتارىنا دەيىن – 61،5 جاس؛
- 2025 جىلدىڭ 1 قاڭتارىنا دەيىن – 62 جاس؛
- 2026 جىلدىڭ 1 قاڭتارىنا دەيىن – 62،5 جاس؛
- 2027 جىلدىڭ 1 قاڭتارىنا دەيىن – 63 جاس.
