پروكۋراتۋرا 1-سىنىپ وقۋشىسى ءىنجۋ جانكينانىڭ ولىمىنە قاتىستى تەكسەرۋ، تەرگەۋ امالدارىن ءوز باقىلاۋىنا الدى.  Aktobenews.kzء-تىڭ مالىمەتىنە سايكەس، تەكسەرۋ جۇمىستارىنان كەيىن ءىس سوتقا جولدانۋى مۇمكىن، دەپ جازادى Qamshy.kz اقپارات اگەنتتىگى. 

«بەينەماتەريال شىققان سوڭ پروكۋراتۋرا تەكسەرۋگە تاپسىرما بەردى. وبلىستىق دەنساۋلىق ساقتاۋ باسقارماسى كوميسسياسىنىڭ، تاۋەلسىز كوميسسيانىڭ تەكسەرۋىنەن سوڭ قورىتىندى ماتەريال پروكۋراتۋرا، سوتقا جىبەرىلەدى. وقيعا پروكۋراتۋرانىڭ باقىلاۋىندا تۇر. جاۋاپتى ادامدار جۇمىستان شىعارىلادى»، — دەدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى سۆەتلانا ەسەنامانوۆا.

ايتا كەتەيىك، الەۋمەتتىك جەلىدە ۆيدەو تارادى. وندا جەدەل جاردەمنىڭ 40 مينۋتتا ءبىراق كەلگەنى ايتىلادى.

♦ جەدەل جاردەم 40 مينۋتتا كەلەمىن دەگەنشە كىشكەنتاي قىز ءولدى

7 جاستاعى ءىنجۋدىڭ اناسى دينارا بايماعامبەتوۆا  nur.kz-كە بەرگەن سۇحباتىندا قىزدىڭ دەنەسى 39،6-دان تۇسپەي قويعانىن جەتكىزدى.

"سول كۇنى تاڭدا قىزىم سەرگەك ءجۇردى. 3 قاراشا دەمالىس كۇنى بولاتىن. قىزىمنىڭ قىزۋى كوتەرىلە باستادى. قىزۋى ءتۇستىڭ كەزىنەن باستاپ 39،6-دان تۇسپەي قويدى. مەن ونى ولەدى دەپ ويلاعان جوقپىن. ول دارىگەر كەلگەنشە جاتا تۇرايىن دەپ كۇلىپ جاتتى. سول كۇلىپ جاتىپ تالىپ قالدى"، - دەيدى اناسى.

دينا بايماعامبەتوۆا كوپ بالالى انا. ونىڭ وسىمەن ەكىنشى قىزى قايتىس بولىپتى.

ەستەرىڭىزگە سالا كەتەيىك، وقيعا 3 قاراشادا «نۇر اقتوبە» اۋدانىنداعى تۇرعىن ۇيلەردىڭ بىرىندە بولعان.