رەسەيدىڭ سانكسيالىق تىزىمىنە ەنگەن ۋكراينانىڭ جوعارى رادا دەپۋتاتتارى پرەزيدەنت ۆلاديمير پۋتينگە حات جازىپتى. رەپيننىڭ «زاپوروجسى» كارتيناسىنىڭ كەيىپكەرلەرى سياقتى فوتوعا ءتۇسىپ، ولار الەۋمەتتىك جەلىنى ەلەڭ ەتكىزدى.
ۋكراينالىق دەپۋتات الەكسەي گونچارەنكو ءوزىنىڭ فەيسبۋك پاراقشاسىندا حاتتى جاريالادى.
حاتتىڭ جازىلۋ ءستيلى زاپوروجدىك كازاكتاردىڭ XVII عاسىردا IV مەحمەدتىڭ "تىزە بۇگىڭدەر" دەگەنىنە وراي باعىتتاپ جازىلعان حاتتىڭ جازىلۋ ستيلىنە ساي كەلەدى. «سەن، سۇلتان، تۇرىك شايتانىسىڭ» دەگەننىڭ ورنىنا «سەن، پرەزيدەنت، ماسكەۋلىك شايتانسىڭ» دەگەن ءسوز تىركەسىنەن باستالادى.
10 دەپۋتات قول قويعان حاتتى ۋكراينشادان قازاقشاعا اۋدارىپ، قامشى.كز وقىرمان نازارىنا ۇسىنادى:
«ۋكرايندىق دەپۋتاتتار پۋتينگە! Cەن، پرەزيدەنت، ماسكەۋلىك شايتان، قارعىسقا ۇشىراعان شايتاننىڭ دوسى-باۋىرى، ليۋسيفەردىڭ حاتشىسى! كىم ايتتى، سەنى سەرى دەپ، ارتىڭمەن كىرپىنى ولتىرە الماساڭ! ۋكراين ۇلدارىن باسىپ-جانشىپ، نامىسىن ولتىرە المايسىڭ، ءيتتىڭ بالاسى! اسكەرىڭنەن ەش قورىقپايمىز! كەلە عوي، جەر مەن سۋدىڭ كۇشىمەن سوعىسۋعا دايىنبىز!
وسىلايشا ۋكراين حالقى سەن سياقتى بەيشاراعا ءتىل قاتتى. سەن ءتىپتى حريستيانداردىڭ شوشقاسىن باعۋعا جارامايسىڭ!
حاتىمىز ءتامام بولسىن. كۇن دە، ايدى دا، جىلدى دا بىلەمىز. كۇنىمىز سەندەردىكىندەي، سوندىقتان قۇيرىعىمىزدان ءسۇيىپ قوي!».
«ءبىزدىڭ اتا-بابامىز جاۋلارمەن حالىقارالىق دەڭگەيدە قالايشا كەلىسسوز جۇرگىزۋدى بىلگەن»،-دەپ ءالعىسوز جازعان الەكسەي گونچارەنكونىڭ پىكىرىمەن 771 ادام كەلىسىپ، لايك باستى، ياعني جازباسىن ۇناتتى. فەيسبۋكتە 426 ادام بولىسكەن اتالمىش جازبا جەلىنى ءالى-اق شۋلاتاتىنىنا ءشۇبا جوق. تەك ماسەلە وندا ەمەس. كۇنى كەشە بىرنەشە وبلىسىندا ورىس ءتىلىنىڭ قولدانىلۋىنا تىيىم سالعان ۋكراينانىڭ رۋحىنىڭ وشپەگەنىنە كوز جەتكىزە الامىز.
ەستەرىڭىزگە سالا كەتەيىك، رەسەي بيلىگى 1 قاراشا كۇنى ۋكرايناعا قاتىستى سانكسيا جاريالاعان بولاتىن. تىزىمدە 68 ۋكرايندىق كومپانيا مەن 322 ازامات (ولاردىڭ قاتارىندا پرەزيدەنتتىڭ ۇلكەن ۇلى الەكسەي پوروشەنكو، ۋكراينانىڭ باس اسكەري پروكۋرورى اناتوليي ماتيوس، مەمشتابتىڭ باسشىسى ۆيكتور مۋجەنكو، جوعارى رادانىڭ سپيكەرى اندرەي پارۋبيي، ميللياردەرلەر كونستانتين گريگوريشين، ۆيكتور پينچۋك، ۋكراينانىڭ قاۋىپسىزدىك قىزمەتىنىڭ ءتوراعاسى ۆاسيليي گريساك جانە باسقالار) بار. كييەۆتەگىلەر "اتالمىش سانكسيادان ەش زيان شەكپەيمىز، بىزگە بۇل شىبىن شاققان قۇرلى اسەر ەتتى" دەپ وتىر.
