2018 جىلعى 9 قاراشا كۇنى قازاقستان رەسپۋبليكاسىنىڭ قوعامدىق دامۋ ءمينيسترى دارحان كالەتايەۆ جانە «وتانداستار» قورىنىڭ پرەزيدەنتى نۇرتاي ابىقايەۆ ستامبۋلدا تۇركيا مەن ەۋروپا ەلدەرىندە تۇرىپ جاتقان قازاق دياسپورالارىنىڭ جەتەكشىلەرىمەن كەزدەسۋ وتكىزدى. ولاردىڭ ىشىندە مانسۋر تەيجي، ياكۋپ جان، فازىل توپلۋ جانە ابدۋاكاپ كارا سياقتى بەلسەندى قايراتكەرلەر بار.

كەزدەسۋ بارىسىندا دارحان كالەتايەۆ قازاقستان رەسپۋبليكاسىنىڭ پرەزيدەنتى شەتەلدە تۇرىپ جاتقان وتانداستارىمىزعا ايرىقشا قولداۋ تانىتاتىنىن اتاپ ءوتتى.  اتاپ ايتقاندا، مەملەكەت باسشىسىنىڭ تاپسىرماسىنا سايكەس ق ر ۇكىمەتى 2018-2022 جىلدارعا ارنالعان ەتنيكالىق قازاقتاردى قولداۋ جونىندەگى ءىس-شارالار جوسپارىن بەكىتكەن بولاتىن.

اتالعان ءىس-شارالار جوسپارىندا شەت ەلدەردە ەتنيكالىق قازاقتاردىڭ انا تىلىندە ءبىلىم الۋعا جانە ونى ساقتاۋعا، شەت ەلدەردە تۇراتىن قازاق دياسپوراسىمەن مادەني-گۋمانيتارلىق بايلانىستار ورناتۋعا، سونداي-اق ءوز ەلدەرىنە قايتىپ ورالعان قازاقتارعا قولداۋ كورسەتۋگە باعىتتالعان شارالار قامتىلعان.  

وتاندارىمىزدىڭ الدىندا سويلەگەن سوزىندە نۇرتاي ابىقايەۆ مەملەكەت باسشىسىنىڭ باستاماسىمەن قۇرىلعان قوردىڭ ماقساتتارى مەن مىندەتتەرى تۋرالى ايتتى.  ول ۇيىمنىڭ قىزمەتى شەتەلدە تۇراتىن وتانداستارىمىزعا، سونداي-اق قازاقستانعا كەلگەن ەتنيكالىق قازاقتارعا قولداۋ كورسەتۋگە باعىتتالعانىن اتاپ ءوتتى.  بۇل رەتتە، قوردىڭ نەگىزگى مىندەتى تاريحي وتانىنا ورالعان وتانداستاردىڭ بەيىمدەلۋىنە، سونداي-اق ولاردىڭ قۇقىقتارى مەن زاڭدى مۇددەلەرىنە قولداۋ كورسەتۋدە اقپاراتتىق، ۇيىمداستىرۋشىلىق جانە كونسۋلتاتيۆتىك كومەك كورسەتۋ بولىپ تابىلادى. 

قازاق دياسپوراسىنىڭ وكىلدەرى وزدەرىنىڭ تۋعان جەرىنەن جىراقتا بولسا دا، تاريحي وتانىمەن ۇنەمى بايلانىستا ەكەندىگىن، قازاقستانداعى بارلىق ماڭىزدى وقيعالار مەن جاڭالىقتاردان قۇلاقدار ەكەندىكتەرىن، سونداي-اق،  جاس ۇرپاقتىڭ انا ءتىلىن، مادەنيەتىن جانە داستۇرلەرىن ۇيرەنۋدە ايرىقشا قولداۋ  كورىپ وتىرعاندارىن اتاپ ءوتتى.   

اتالعان كەزدەسۋ مەملەكەت باسشىسىنىڭ «رۋحاني جاڭعىرۋ»  باعدارلامالىق ماقالاسىنداعى «ۇلتتىق بىرەگەيلىكتى ساقتاۋ» باعىتى اياسىندا ءوتتى.

ەستەرىڭىزگە سالا كەتەيىك، اعىمداعى جىلدىڭ 8 قاراشاسىندا قازاقستان دەلەگاسياسى دياسپورا ماسەلەلەرى بويىنشا تۇركى كەڭەسىنىڭ وتىرىسىنا قاتىستى، وندا «تۇركى كەڭەسى تۇركىتىلدەس دياسپورالارىنىڭ قىزمەتىنىڭ جالپى ءىس-قيمىل ستراتەگياسىنا» وزگەرىستەر ەنگىزۋ تۋرالى شەشىم قابىلداندى جانە وسى ستراتەگيانى جۇزەگە اسىرۋ بويىنشا بىرلەسكەن ءىس-قيمىل جوسپارى قابىلداندى. سونداي-اق، «وتانداستار» قورى  شەتەلدەردەگى تۇركى حالىقتارى باسقارماسىمەن جانە ولارعا قاراستى قاۋىمداستىقپەن،  يۋنۋس ەمرە اتىنداعى قور اراسىندا ىنتىماقتاستىق جانە ءوزارا تۇسىنىستىك تۋرالى مەموراندۋمدارعا قول قويىلدى.