بۇگىن الماتىدا ساياساتكەر زامانبەك ءنۇرقادىلوۆتىڭ كەڭسايداعى زيرات باسىنا گۇل شوقتارى قويىلىپ، ءارۋاعىنا قۇران باعىشتالدى. قۇران باعىشتاۋعا التىنبەك سارسەنباي ۇلىنىڭ ۇلكەن اعاسى، جۋرناليست رىسبەك سارسەنباي، «ۇلى دالا» رەسپۋبليكالىق قوعامدىق بىرلەستىگىنىڭ ءتوراعاسى عابيدەن جاكەي، تۇركى دۇنيەسىنە سىڭىرگەن ەڭبەگى ءۇشىن اتاعىمەن ماراپاتتالعان ماحمۇت قۇلمەنتەگى جانە مارقۇمنىڭ تۋىستارى مەن وزگە دە قوعام وكىلدەرىن قوسقاندا ون شاقتى ادام جينالدى.

عابيدەن جاكەيدىڭ Qamshy.kz اقپارات اگەنتتىگىنىڭ تىلشىسىنە ايتۋىنشا، زامانداستارى زاكەڭدى 1 مينۋتتاي ۇنسىزدىكپەن ەسكە الىپ، ساياساتكەردىڭ ىستەرى تۋرالى ەستەلىكتەرىمەن ءبولىسىپ، ساعىنىشپەن ەسكە الدى.

زامانبەكسىز وتكەن 13 جىل (ۆيدەو)

"20 000 وتباسىعا جەر تەلىمىن تەگىن ۇلەستىرىپ، زاڭداستىرىپ بەرگەن"

ايتا كەتەيىك، بۇگىن زامانبەك ءنۇرقادىلوۆتىڭ دۇنيەدەن وزعان كۇنى.  ءدال وسى كۇنى 13 جىل بۇرىن، ياعني 2005 جىلى جۇمباق جاعدايدا كوز جۇمعان ساياساتكەر، قوعام قايراتكەرى ءنۇرقادىلوۆ قازاقتىڭ جۇرەگىنەن وشپەستەي ورىن الىپ، اردا ازامات بولىپ ماڭگىلىك ەستە قالدى.