جۇڭگو تۇرمەسىندە جاتقان اقجارقىن تۇرلىباي ءتورت جىلدا العاش رەت اتا-اناسىنا حات جازدى. حاتتا بويجەتكەن تۋعاندارىنا دەگەن ساعىنىشىن ءبىلدىرىپ، جاعدايى جاقسى ەكەنىن جازىپتى. حات مازمۇنى تومەندەگىدەي:
قىمباتتى اكەشىم مەن اناشىم!
قالدارىڭىز جاقسى ما؟ سىزدەرگە ءتورت جىلدا العاش رەت حات جازىپ وتىرمىن. قاتتى ساعىندىم! سۇيىكتى اناشىم، مەن ءۇشىن الاڭدامىز، ءسىز وتباسىمىزدىڭ تىرەۋىسىز، سول ءۇشىن دەنساۋلىعىڭىزدى كۇتۋىڭىز قاجەت! مەنىڭ دەنساۋلىعىم وتە جاقسى، سپورتپەن ءجيى اينالىسىپ تۇرامىن. كوپ نارسەنى ۇيرەندىم. كىشكەنتاي عانا قىزىڭ ەسەيدى. بۇل جەردىڭ ادامدارى مۇلدەم بولەك، وزگە مادەنيەت، ءبىلىم بەرۋدىڭ ەكى ءتۇرلى دەڭگەيى. سىزدەر جىبەرگەن سۋرەتتەردى الدىم. ءبارى وزگەرىپ كەتكەن سەكىلدى، ءسىڭلىم بوي جەتىپ، ءىنىم ەر جەتىپتى. وتىنەمىن، سابىرمەن كۇتىڭىزدەر!
مەن ءقازىر مىقتىمىن، سوڭىنا دەيىن اياعىمدى نىق باسىپ تۇرا الامىن، تەك ۇمىتتەرىڭىزدى ۇزبەڭىزدەر.
مەنى قاشان ا قولداپ جۇرەتىندەرىڭىزدى بىلەمىن. قولداۋلارىڭىز ءۇمىتىمنىڭ ۇزىلۋىنە جول بەرمەيدى.
اتام مەن اجەمنىڭ بالا كۇنىمدە ەرتەگى وقىپ بەرەتىن ساتتەرى ەسىمە ءتۇسىپ وتىر. ءار تۋعان كۇنىم، تاتتىلەر، بالىشتەر، مەرەكەلىك سىيلىقتار، ءبارى-بارى ەسىمدە.
سىزدەرگە كوپ راقمەت!
حاتتىڭ جۇڭگو تىلىنەن اۋدارىلعان نۇسقاسىن اقجارقىن تۇرلىبايدىڭ ادۆوكاتى سۇڭقار نۇرماعامبەتوۆ بەردى.
