رەسپۋبليكا الاڭى عيماراتىندا قازاقستاندىق باق-تىڭ ءىرى 13 رەداكسياسى ورنالاسقان. بۇگىن كتك تەلەارناسى عيماراتىنا بومبا قويىلعانى جايلى قوڭىراۋ ءتۇسىپتى.
"كتك جاڭالىقتار رەداكسياسىنا جارىلعىش زات قويىلعانى جايلى قوڭىراۋ ءتۇستى. ناتيجەسىندە جەدەل توتەنشە قىزمەتى عيماراتتا وتىرعان بارشا قىزمەتكەردىڭ ەۆاكۋاسياسىمەن اينالىسىپ جاتىر»،- دەپ مالىمدەدى الماتى قالاسى ءىىب-نىڭ رەسمي وكىلى سالتانات ازىربەك Qamshy.kz اقپارات اگەنتتىگىنىڭ تىلشىسىنە.
ىزدەستىرۋ جۇمىستارى جۇرگىزىلىپ جاتىر. جول پاترۋلدىك پوليسياسى كولىكتى ءقاۋىپسىز ايماققا جىبەرىلۋدە دەگەن اقپارات بار.
Qamshy.kz رەداكسياسى كتك ءجۋرناليسى دياس نۇراقىنعا قوڭىراۋ شالدى. ارىپتەسىمىز "بىزگە بومبا قويىلعاندىعى تۋرالى قوڭىراۋ شالىنعانى راس. ءدال قازىرگى ساتتە ۇجىممەن عيمارات سىرتىندامىز، ەۆاكۋاسيا جاسالىندى" دەپ ايتتى.
پىكىر قالدىرۋ