ديماش قۇدايبەرگەننىڭ تالانتى بريتاندىق باق-تىڭ نازارىنا ىلىكتى. لوندونداعى كەشىنەن كەيىن ديماش شەتەلدىك جۋرناليستەرگە بىرىنەن سوڭ ءبىرى سۇحبات بەردى.
ەكى ءسوزىنىڭ بىرىندە قازاقستاندى ەسىنە العان. ايتۋىنشا، الەمگە ەل مادەنيەتىن انا تىلىندە تانىستىرىپ جاتقانىن ماقتان تۇتادى. ءارى لوندوندا جەكە كەشىن وتكىزۋگە قولداۋ بىلدىرگەن ق ر مادەنيەت جانە سپورت مينيسترىنە زور العىسىن ءبىلدىردى.
♦ديماش لوندون ساحناسىن قالاي باعىندىردى؟ (ۆيدەو)
سونىمەن قاتار، بۇل كۇندەرى ديماش بىرىككەن ۇلىبريتانيا كورولدىگى مەن سولتۇستىك يرلاندياداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى ەرلان ىدىرىسوۆپەن كەزدەستى. ءىدىرىسوۆ ديماشتى قازاقستاننىڭ الەمدەگى ەلشىسى دەپ اتادى. سەبەبى الەمدىك ارەناداعى قازاقستاننىڭ ءيميدجىن دە كوتەرىپ جاتقانداردىڭ بىرەگەيى – ديماش.
سۇحبات بەرۋمەن قاتار ديماش ەلشىلىكتەگى قازاقستاندىق ستۋدەنتتەرمەن كەزدەستى. قاتىسۋشىلار فوتوسەسسيا ۇيىمداستىرىپ، وزدەرىن قىزىقتىرعان سۇراقتارىن قويدى.
ەلشىلىك دالىزىندە ديماش جيىلعان جۇرتقا ارناپ فورتەپيانودا سۇيىكتى اندەرىن ايتتى.
سۇحبات بەرۋدى ءانشى BBC -دان باستادى. وندا ديماش ءوزىنىڭ شىعارماشىلىعىمەن ءبولىستى. BBC World Service راديوستانسياسىنداعى «Cultural Frontine» سەنبىلىك شوۋىنا باردى. باعدارلاما جۇرگىزۋشىسى تينا داحەلي ديماشپەن ونىڭ مۋزىكالىق كارەراسى جايلى سۇحباتتاستى. راديونى كۇندەلىكتى 75 ميلليون ادام تىڭدايدى.
♦كەزىندە «بورات» دەپ مىسقىلداعاندار قازاق بالاسىنا العىسىن بوراتتى
«The Independent» ينتەرنەت-باسىلىمىنا بەرگەن سۇحباتىندا ءوزىنىڭ شىعارماشىلىعى جايلى ايتتى. ءجۋرناليستى قىزىقتىرعان تاعى ءبىر سۇراق – ءانشىنىڭ دەمالاتىن ورىندارى. ال ديماش شەتەلگە تەك جۇمىس بارىسىمەن شىعىپ جۇرگەنىن ايتتى.
♦ديماشتىڭ اناسى كەلىنىنىڭ بويىندا قانداي قاسيەت بولۋى كەرەك ەكەنىن ايتتى
«قازاقستاندا اقتوبە دەگەن كىشىگىرىم قالا بار. ول جەردە مەنىڭ وتباسىم، اتام مەن اجەم، تۋىستارىم تۇرادى. مەنىڭ شىنايى دەمالاتىن ورنىم - اقتوبە»، - دەپ جاۋاپ بەردى ديماش.
پىكىر قالدىرۋ