مينسكىدە وتەتىن "بالالار ەۆروۆيدەنيەسى-2018" حالىقارالىق بايقاۋىنا قاتىسىپ، قازاقستاننىڭ نامىسىن قورعايتىن ءانشى دانەليا تولەشوۆا Instagram پاراقشاسىندا ورىس جانە اعىلشىن تىلىندە تىڭدارماندارىنا ۇندەۋ جاسادى دەپ جازادى Qamshy.kz اقپارات اگەنتتىگى.
ونلاين-داۋىس بەرۋ باستالاردىڭ الدىندا ول بۇكىل الەمدەگى تىڭدارماندارىنا ءوزى ورىندايتىن "وزىڭە سەن" كومپوزيسياسىنا داۋىس بەرۋدى ءوتىندى.
داۋىس بەرۋ استانا ۋاقىتى بويىنشا 24 قاراشاعا قاراعان ءتۇنى ساعات 01.00-دە اشىلدى جانە 25 قاراشاعا دەيىن جالعاسادى. 25 قاراشادا بارلىق قاتىسۋشى ونەر كورسەتىپ بولعاننان كەيىن داۋىس بەرۋ 15 مينۋتقا قايتا اشىلادى.
"بالالار ەۆروۆيدەنيەسى-2018" حالىقارالىق بايقاۋىنىڭ گراند-فينالى مينسكىدە 25 قاراشادا وتەدى. استانا ۋاقىتى بويىنشا ساعات 21:00-دە تىكەلەي ترانسلياسيا باستالادى، ونى "حابار" تەلەارناسى كورسەتەتىن بولادى.
12 جاستاعى دانەليا تولەشوۆا ساحناعا ءۇشىنشى بولىپ شىعادى، ونىڭ الدىندا شىعاتىندار - ۋكراينا مەن پورتۋگاليا انشىلەرى. ول "وزىڭە سەن" ءانىن قازاق جانە اعىلشىن تىلدەرىندە ورىندايدى.
پىكىر قالدىرۋ