25 قاراشادا تاڭعى ساعات 7-دە «بەرديانسك» جانە «نيكوپول» اتتى ەكى كىشىگىرىم ۋكراينالىق اسكەري قاتەرلەر، سونداي-اق، «يانا كاپا» كەمە-تۇتىكشە ودەسسادان ماريوپولگە كوشە باستادى. كەرچ بۇعازىندا ۋكراينالىق كەمەلەردى رەسەيلىك شەكارا كەمەلەرى قارسى الدى. كەنەتتەن رەسەيلىك كەمەلەردىڭ ءبىرى ۋكراينالىق كەمەگە جاقىنداپ، وعان زاقىم كەلتىرەدى.

سيپاتتالعان وقيعالاردان ءبىر ساعات وتكەن سوڭ، كەرچ تاسىمال ايماعىنداعى بارلىق كەمەلەردىڭ قوزعالىسى توقتاتىلادى، ورىس شەكاراشىلارى جۇك كەمەسىن الىپ، جولدى جاۋىپ تاستايدى. 25 قاراشادا ساعات 18-دە كەرچ كوپىرىنىڭ ايماعىنا سەگىز رەسەيلىك كەمە، قارا تەڭىز فلوتىنىڭ ەكى كەمەلەرى جانە فسب شەكارا قىزمەتىنىڭ التى كەمەلەرى كەلەدى.

ساعات 19-دا ۋكراينالىق كەمەلەردىڭ ءبىر توبى كەرچ بۇعازىنان كەتىپ بارا جاتقاندا، رەسەيلىك كەمەلەر ولارعا ۋلتيماتۋم قويادى،  ۋكراين كەمەلەرىنە توقتاۋدى تالاپ ەتەدى. ساعات 20.33-تە فسب قايىقتارى ۋكراينالىق كەمەلەرگە وق اتادى. شابۋىلدىڭ سالدارىنان 6 ۋكراينالىق ماتروس جاراقاتتاندى، ەكەۋى اۋىر جاعدايعا ۇشىرادى.

كەيىنىرەك فسب ءۇش ۋكراينالىق كەمەلەردى تۇتقىنداعانىن راستادى. 22 ساعات 18 مينۋتتا ۋكراينا اسكەري-تەڭىز كۇشتەرىنىڭ بارلىق قۇرامى اسكەري حابارلاما جىبەرىلەدى جانە ۋكراينانىڭ ۇلتتىق قاۋىپسىزدىك كەڭەسى مەن پرەزيدەنتتىڭ جارلىعىمەن ۋكراينا سوعىس جاعدايىنا ازىرلەنەدى. ۋكراينانىڭ جوعارعى راداسىن قاراشانىڭ 26-سىندا وسى زاڭدى كۇشىنە ەنگىزۋ تۋرالى شەشىم قابىلدايدى.

ۋكراينا رەسەيدىڭ اگرەسسيۆتى ارەكەتتەرىن اشىق ايتىپ، بۇۇ-نىڭ تەڭىز قۇقىعى تۋرالى كونۆەنسياسىن بۇزعانى ءۇشىن ايىپتادى. «رەسەيدىڭ قارا جانە ازوۆ تەڭىزىندەگى ارانداتۋ ارەكەتتەرى شەكارانى اگرەسسيۆتى بولدى»، - دەپ حابارلادى ۋكراينا سىرتقى ىستەر مينيسترلىگى.

رەسەي پرەزيدەنتىنىڭ باسپا ءسوز حاتشىسى دميتريي پەسكوۆ «ۋكراينالىق كەمەلەرمەن بولعان وقيعا بۇل - كييەۆتىڭ وتە ءقاۋىپتى ارانداتۋ ارەكەتى» - دەپ مالىمدەدى. پەسكوۆتىڭ ايتۋىنشا، ۋكراينالىق كەمەلەر «رەسەيدىڭ مەملەكەتتىك شەكاراسىن بۇزدى.

بۇگىندە ۋكراينا 30 كۇندىك اسكەري توتەنشە جاعدايدا تۇر. بۇل  زاڭ  ۋكراينانىڭ ءبىر نەمەسە بىرنەشە ايماعىنا ەنگىزىلۋى مۇمكىن. كەشە پرەزيدەنت پوروشەنكو مۇنداي ەرەجەلەردى ەنگىزۋ مۇمكىندىگى تۋرالى شارالاردى ازىرلەۋدى تاپسىردى.

بۇل وقيعانىڭ ەندى ەلەۋلى اسكەري جالعاسى بولماۋى مۇمكىن. ەسكە سالا كەتەيىك، شامامەن ءبىر اي بۇرىن ەۋروپارلامەنت ازوۆ تەڭىزىندە رەسەي فەدەراسياسىنىڭ اگرەسسياسىنا قاتىستى قاتاڭ شەشىم قابىلداعانى بەلگىلى. ەگەر تاعى رەسەيدىڭ اگرەسسيۆتى ارەكەتتەرى قايتالانسا، وندا  جاڭا سانكسيالار ەنگىزەلەدى.

ءقازىر رەسەيدە  ءپۋتيننىڭ رەيتينگى  تومەن كورسەتكىشكە يە. كەيبىر ساراپشىلار "سول ءۇشىن  پۋتين سونداي ارەكەتكە باردى" باردى دەپ توپشىلاپ وتىر. ءبىراق، مۇنداي ارەكەتتىڭ ءقازىر پايداسى شامالى جانە مۇنداي اگرەسسورلىق قادام رەيتينگتى كوتەرۋگە ەش اسەر ەتپەيدى!

P.S. بۇگىن اقش پرەزيدەنتى دونالد ترامپ ارگەنتينادا وتكەن «ۇلكەن جيىرمالىق» سامميتىندە رەسەي پرەزيدەنتى ۆلاديمير پۋتينمەن كەزدەسۋ بولمايدى دەپ مالىمدەدى. بۇل تۋرالى Twitter-دە  اق ءۇي قوجايىنىنىڭ ءوزى حابارلادى. دونالد ترامپ  ۋكراينانىڭ جاعالاۋدا تۇرعان كەمەلەرى مەن تۇتقىندا وتىرعان تەڭىزشىلەردى بوساتقاندا عانا پۋتينمەن كەزدەسۋگە دايىن ەكەنىن ايتتى.

كەرىمسال جۇباتقانوۆ، قازاق-ورىس حالىقارالىق ۋنيۆەرسيتەتىنىڭ دوسەنتى، تاريح عىلىمنىڭ كانديداتى