ماروككودا ەكسترەميستەر تۋريست قىزدىڭ باسىپ كەسىپ الىپ، ونىڭ قۇربىسىنىڭ تاماعىنان ورىپ جىبەرگەن، قاسكۇنەمدەر مۇنىڭ ءبارىن ۆيدەوعا ءتۇسىرىپ العان دەپ حابارلايدى Qamshy.kz اقپارات اگەنتتىگى Sputniknews.kz سايتىنىڭ دەرەگىن نەگىزگە الىپ.
24 جاستاعى دانيالىق لۋيزا ۆەستەراگەر يەسپەرسەن مەن 28 جاستاعى نورۆەگيالىق مارەن ۋەلاندتىڭ ءمايىتى يمليل ەلدى مەكەنىنە جاقىن ماڭداعى تاۋلاردان تابىلعان. ولاردى جەرگىلىكتى تۇرعىن تاۋىپ الىپتى.
«مەن پوليسيا كەلگەنگە كەيىن ەكى ءمايىتتى كوردىم. ءبىرى شاتىردا، ءبىرى سىرتتا جاتتى. سىرتتاعىسىنىڭ باسىن كەسىپ العان»، — دەدى جەكە باسىنىڭ قاۋىپسىزدىگى ءۇشىن ءاتى-جونىن اتاۋدان باس تارتقان تۇرعىن.
قىزداردى سوڭعى رەت مارراكەش قالاسىنداعى Faouzi ءقوناقۇيىنىڭ قىزمەتكەرلەرى كورگەن.
«ولار تاڭعى 10-دا كەلىپ، قوناق ۇيدە تۇنەدى. ولار بەسەۋ ەدى. ءبارى تۋريست. كەلەسى كۇنى تاڭەرتەڭ ۇشەۋى سەرفينگكە (سۋدا سىرعاناۋ) كەتتى، قالعان ەكەۋى – لۋيزا مەن مارەن زاتتارىن قالدىرىپ، قالاعا اتتاندى»، — دەپ ءتۇسىندىردى ءقوناقۇي قىزمەتكەرى.
ونىڭ ايتۋىنشا، قىزدار كەشكە قوناقۇيگە قايتىپ ورالعان كەزدە جەرگىلىكتى ءۇش جىگىت ەرىپ كەلگەن.
«زاتتارىن الىپ كەتۋ ءۇشىن ساعات بەستە قايتا ورالدى. ولاردى ءۇش ماروككولىق كۇتىپ تۇردى. ۇقىپتى كيىنگەن، قىلمىسكەرلەرگە ۇقسامايدى»، — دەپ تولىقتىردى ول.
وسىدان كەيىن قىزدار قوناقۇيدەن جەرگىلىكتى تۇرعىندارمەن بىرگە كەتىپ، سودان بەرى ەشكىم كورمەگەن.
