ديماش قۇدايبەرگەن "وليمپييسكيي" كەشەنىنىڭ ساحناسىندا تۇرىپ يگور كرۋتويدىڭ سۇيەمەلدەۋىمەن "شارشاعان اققۋلاردىڭ ماحابباتى" اتتى ءاندى ورىندادى. تالانتتى قازاقستاندىقتىڭ تىڭدارماندارى ونى تاعى دا گۇلدىڭ استىندا قالدىردى. بۇل تۋرالى Sputnik قازاقستان اگەنتتىگى جازدى. 

كونسەرت جەلتوقسان ايىنىڭ باسىندا تۇسىرىلگەن بولاتىن. ال تەلەارنادان 1 قاڭتاردا كورسەتىلدى.

"شارشاعان اققۋلاردىڭ ماحابباتى" اتتى تۋىندىنىڭ ءسوزىن ميحايل گۋسەرييەۆ، ال ءانىن يگور كرۋتوي جازعان. العاش رەت ديماش بۇل ءاندى 10 قاراشا كۇنى رەسەيدىڭ قۇقىق قورعاۋ ورگاندارى قىزمەتكەرلەرى كۇنىنە وراي كرەمل سارايىندا وتكەن كونسەرتتە شىرقادى.

ءانشىنىڭ الەمنىڭ تۇكپىر-تۇكپىرىندەگى تىڭدارماندارى ۆيدەونىڭ استىنا قازاق ءانشىسىنىڭ تالانتىنا قايران قالعاندارىن جارىسا جازىپ جاتىر. سونداي-اق، ولار قازاقستاندىقتاردى ديماشتاي تالانتتى باعالاۋعا شاقىردى. 

"ديماش، ءسىز گەنيسىز! ءسىزدىڭ ورىنداۋىڭىزداعى تاعى ءبىر شەديەۆر. مەرەكە كۇندەرى كەرەمەت كوڭىل-كۇي سىيلاعانىڭىز ءۇشىن راحمەت"، "براۆو! تاڭعاجايىپ ديماش! وتباسىمىزبەن جيىلىپ كۇتتىك. داۋىسىڭىز جۇرەگىمىزدى تەبىرەنتتى"، "ايتارعا ءسوزىم جوق! تەك ءۇنسىز تىڭداۋ كەرەك"، "قازاق ءاندى جاقسى ايتاتىن حالىق. سول سەبەپتى ول جەردە مۇنداي تالانتتاردىڭ دۇنيەگە كەلۋى ورىندى. قۇداي سەكىلدى"، "قازاقستاندىقتار، ۇلدارىڭىزدى باعالاڭىزدار! اللا جاماندىقتان ساقتاسىن"، "ديماش تەك قازاقستاننىڭ ماقتانىشى ەمەس. بەلارۋس ەلى دە ونىمەن ماقتانادى" دەپ جازدى جەلى قولدانۋشىلارى.