2018 جىلدىڭ 30 جەلتوقسانىندا ساعات تۇسكى 12:51-دە ەۆاكۋاتور جولدان ءوتىپ بارا جاتقان اجەيدى قاعىپ، توقتاماي ءجۇرىپ كەتكەن. وقيعا گوگول جانە قونايەۆ كوشەلەرىنىڭ قيىلىسىندا بولدى. 

ەۆاكۋاتوردىڭ اجەيدى قاعىپ كەتكەن ءساتى باسقا كولىكتەگى جولاۋشىلاردىڭ ۆيدەوسىنا بايقاۋسىزدا ءتۇسىپ قالعان. ۆيدەوعا نازار اۋدارساق، قونايەۆ كوشەسىمەن كەلە جاتقان ەۆاكۋاتور گوگولگە بۇرىلا بەرگەندە جاياۋ جۇرگىنشىلەرگە ارنالعان جولدان ءوتىپ بارا جاتقان اجەيدى قاعىپ كەتەدى. ءسال كىدىرگەن كولىك ارى قاراي توقتاماي كەتىپ قالعان. قۇلاپ قالعان اجەي ورنىنان قايتا تۇرەگەلگەن، ونىڭ جاراقات العان-الماعانى بەلگىسىز. وقيعانىڭ ۆيدەوسى تومەندە:

ەشكىم زارداپ شەكپەگەندىكتەن وقيعا جابۋلى قازان كۇيىندە قالۋى مۇمكىن. الايدا قۇربانى كوپ ۇلكەن اپاتتىڭ الدى وسىنداي كىشىگىرىم جاعىمسىز وقىس جاعدايدان باستالادى. جۇرگىزۋشىنىڭ اجەيدى قاعىپ كەتكەنى بىلاي تۇرسىن، ول وقيعا ورنىنان تايىپ تۇرعان. ەۆاكۋاتور جۇرگىزۋشىسىن تاۋىپ، ءتيىستى جازاسىن بەرۋ – قۇقىق قورعاۋ ورگاندارىنىڭ مىندەتى.