الماتىدا اباي-سەيفۋللين كوشەلەرىنىڭ قيىلىسىندا بولعان ءىرى جول اپاتىنىڭ ءۇشىنشى قۇربانى كوكشەتاۋدا دۇنيەگە كەلگەن، استانا قالاسىنىڭ تۇرعىنى، ەكى بالانىڭ اناسى، GuDi Group" ج ش س تاپسىرىسپەن تاماق تاسيتىن كومپانيانىڭ اتقارۋشى ديرەكتورى بولىپ قىزمەت اتقارعان دينارا قانات قىزى حاميتوۆا ەكەنى بەلگىلى بولعان ەدى.
Qamshy.kz اقپارات اگەنتتىگى مارقۇمنىڭ وتباسىنا قايعىرا كوڭىل ايتا وتىرىپ، دينارا جايلى اقپارات بەرۋگە تىرىسقان ەدى.
♦جانتۇرشىگەرلىك جول اپاتىندا قايتىس بولعان ءۇشىنشى ادام كىم؟
مۇنداعى ماقسات – كىنالى جازادان قۇتىلىپ كەتپەسىن دەگەن نيەت-ويمەن وقىرمان نازارىنا جان-جاقتى اقپارات بەرىپ وتىرۋ. بەلگىلى بولعانداي مارقۇمنىڭ ارتىندا كۇيەۋى، ءبىر ۇلى مەن ءبىر قىزى قالعان. ال وسىدان 5 كۇن بۇرىن، ياعني جول اپاتى بولعان كۇنى دينارا حاميتوۆانىڭ Instagram پاراقشاسىنداعى جازباسى كوڭىلىڭدى ەلەڭدەتپەي قويمايدى. ادەتتە جۇرت جاڭا جىلعا جاقىنداعان ۋاقىتتا وتكەن جىلعا ەسەپ بەرىپ جاتادى، 31 جەلتوقساندا. ال دينارا اجالىن سەزدى مە ەكەن، بەلگىسىز، 29 جەلتوقساندا ەسەپ بەردى. جوق، ەسەپ بەرمەدى، "وسىمەن ءبىتتى" دەپ حالقىمەن قوشتاسقان سىڭايلى. جەلىدەگى جازباسى تومەندە:
"جۇرت وتكەن ىجلعا قورىتىندى جاساپ الەك.
مەن ءۇشىن جاڭا جىل كۇنتىزبەدەگى كۇننىڭ اۋىسۋى عانا. ەشقانداي قورىتىندى جاساعىم كەلمەيدى. سەبەبى، ءبارى ەندى باستالدى. بۇل – بالالارىمسىز قارسى الاتىن الاتىن العاشقى جاڭا جىلىم. سوندىقتان مۇنى ءوز باسىم مەرەكە دەپ سانامايمىن. سوندا دا، ءبارىڭىزدى كەلە جاتقان مەرەكەمەن قۇتتىقتايمىن.
2018 جىل كەرەمەت ءوتتى. وسىمەن ءبىتتى".
پىكىر قالدىرۋ