الماتىدا اباي-سەيفۋللين كوشەلەرىنىڭ قيىلىسىندا بولعان ءىرى جول اپاتىنىڭ ءۇشىنشى قۇربانى  كوكشەتاۋدا دۇنيەگە كەلگەن، استانا قالاسىنىڭ تۇرعىنى، ەكى بالانىڭ اناسى، GuDi Group" ج ش س تاپسىرىسپەن تاماق تاسيتىن كومپانيانىڭ اتقارۋشى ديرەكتورى بولىپ قىزمەت اتقارعان دينارا قانات قىزى حاميتوۆا ەكەنى بەلگىلى بولعان ەدى. 

Qamshy.kz اقپارات اگەنتتىگى مارقۇمنىڭ وتباسىنا قايعىرا كوڭىل ايتا وتىرىپ، دينارا جايلى اقپارات بەرۋگە تىرىسقان ەدى. 

♦جانتۇرشىگەرلىك جول اپاتىندا قايتىس بولعان ءۇشىنشى ادام كىم؟

 بەلگىلى بولعانىنداي، مارقۇمنىڭ ارتىندا كۇيەۋى، ءبىر ۇلى مەن ءبىر قىزى قالعان. ال وسىدان 5 كۇن بۇرىن، ياعني جول اپاتى بولعان كۇنى دينارا حاميتوۆانىڭ Instagram پاراقشاسىنداعى جازباسى ەلدى  ەلەڭ ەتكىزبەي قويمايدى. ادەتتە جۇرت جاڭا جىلعا بىرنەشە ساعات قالعاندا وزىنە ەسەپ بەرىپ جاتادى. ال دينارا اجالىن ەرتەرەك سەزدى مە ەكەن، بەلگىسىز، 29 جەلتوقساندا ەسەپ بەرىپ ۇلگەرىپتى. جوق، ەسەپ بەرمەپتى، "وسىمەن ءبىتتى" دەپ دوس-جاراندارىمەن قوشتاسقان سىڭايلى. جەلىدەگى جازباسى تومەندە:

"جۇرت وتكەن جىلعا قورىتىندى جاساپ الەك. 

مەن ءۇشىن جاڭا جىل - كۇنتىزبەدەگى كۇننىڭ اۋىسۋى عانا. ەشقانداي قورىتىندى جاساعىم كەلمەيدى. سەبەبى، ءبارى ەندى باستالادى. بۇل – بالالارىمسىز قارسى الاتىن العاشقى جاڭا جىلىم. سوندىقتان مۇنى ءوز باسىم مەرەكە دەپ سانامايمىن. سوندا دا ءبارىڭىزدى كەلە جاتقان مەرەكەمەن قۇتتىقتايمىن.

2018 جىل كەرەمەت ءوتتى. وسىمەن ءبىتتى".